榮哥煮場 (已結業)

早左收工食飯，見有個二人套餐$268全日供應，有煲物、小菜又有埋飯後糖水幾吸引😗前菜揀左木耳，正路野。酸甜藍莓骨咕嚕骨嘅變奏版，份量比想像中多！堆到一座小山丘咁。味道係預期之中嘅酸酸甜甜，冇咕嚕骨咁濃味。炸得幾好脆身唔硬👍🏻啲汁都啱啱好包裏住排骨。餐牌有個「咖啡骨」都好令人好奇係咩味🤤濃湯花膠雞煲雞煲跟爐上枱，可以煲滾左先飲湯。花膠都有6、7塊，幾滑身又唔腥。雞肉有髀位有胸位，點埋辣椒豉油食都送到飯😋楊枝甘露重奶味好啱我哋口味。幾中意佢加左小小爆珠多個口感。