三田製麵所 (K11購物藝術館)

營業中

休息中

太耐冇得去日本，所以嚟到三田製麵所過下沾麵癮。叫咗一個辣豚骨魚介沾麵，個面可以揀暖麵或者冷麵。店員好清晰咁講解，暖麵嘅麵質就會比較淋，而冷麵就會比較彈牙。咁我就揀咗冷麵，份量揀左中。（小中大都唔需要加錢，加大先要加錢）。一個女仔食中size 都已經好足夠。個湯好濃，但配埋個麵食入口就都岩岩好，唔會太膩，但食到尾都會有少少膩同咸。可以叫staff幫手加湯，就會淡啲，可以就咁飲添。個辣度亦都剛剛好，好開胃。個麵質彈牙程度剛剛好。小食吉列豬扒就不過不失，炸得有少少乾，同個皮比較厚。