禪

營業中

休息中

之前去過佐敦嘅Tera，知道沙田開咗呢間ZEN by Tera就決定嚟試吓。同樣係日系淺木色裝修，不過就加入咗唔少ZEN嘅裝修元素。懶得諗食乜嘅話，可以好似我哋咁叫個「假日二人前」，頭盤+輕食+主食+甜品+飲品都唔使$600。三文魚籽蟹籽沙律沙律菜非常新鮮，三文魚子蟹籽粒粒卜卜脆，咬落特別有口感。手羽先（炸單骨手羽（4件）雞翼炸得剛剛好，而且單骨容易食。日式豚肉月見蛋吉列大蝦白咖喱烏冬薄切豚肉塊塊夠juicy，點埋月見蛋汁就更加惹味；白咖喱烏冬嘅造型最迷人，有一朵由白薯蓉忌廉造成，好似白玫瑰造型嘅醬汁鋪喺烏冬面層。夾起烏冬，咖喱汁同薯蓉混合特別滋味。仲有大大值得列大蝦，真係冇得輸。落單時店員更細心提醒，咖喱會有微辣辣同牛肉碎，非常窩心。飲品嘅蜜糖四花茶同Flat White都好有水準。 今日仲特別將其中一個是日甜品，升級做朱古力刨冰（+$78）。頂層係一粒燒過嘅棉花糖，用咗白川鄉泉水整嘅刨冰，充滿濃郁嘅朱古力味，仲有朱古力醬可以幫底層加味，真係非常滿足。