周師傅點心 (已結業)

又再一次來到周師傅食晚間點心，最正就係收咗工依然有得食熱辣辣嘅點心。XO醬炒蘿蔔糕粒粒都熱辣辣，沾滿XO醬，表面脆卜卜，入面帶有蘿蔔絲，唔會好粉口。招牌脆皮馬拉糕同傳統馬拉糕味道好唔同，呢個味道似雞蛋糕多啲，因為雞蛋味真係好濃，無馬拉糕個個糖味咁重，口感都鬆軟，而且份量一啲都唔細。創意點心H&M船呢款似西式多過中式點心，係一款烘熱咗嘅多士，入面有火腿同芝士，烘到脆卜卜，不過略嫌芝士太少，多返少少口感會好啲。蒜蓉蒸開邊蝦飯呢個我極力推介！當晚見好多人都食蒸飯，所以心思思想叫一個。蒜蓉味好香，蝦都新鮮喎，啲飯索晒味，最緊要相當抵食，配埋中茶，食完好滿足。