馬六

營業中

休息中

企企理理嘅平民餐廳，起初仲以為係食茶餐廳點知裏面係食新加坡菜。價錢親民得來之餘，味道都唔錯而且招呼我哋嘅侍應生仲對我哋非常之有禮貌。我哋分別叫咗兩個套餐，每一個套餐都包一杯嘢飲同埋一個小食。特別一定要試嘅係鹹蛋魚皮同埋黑松露流心蛋。個鹹蛋魚皮上到枱嘅時候，仍然係超級熱仲要係滿滿嘅鹹蛋香味。食落去唔單止超級脆，唔會好似一般嘅鹹蛋魚皮咁硬骨骨。滿口都會係一種鹹蛋嘅味道，再加埋唔會油膩嘅魚皮簡直係一個新嘅嘗試，非常之推薦大家試呢一道菜。黑松露流心蛋，食落去就係一個非常之入味嘅流心蛋充滿着黑松露嘅香味。主菜係檳城蝦麵，湯底非常之香濃而且用了十足。有豆卜，腩肉同埋蝦。就算一路食一路飲個湯都唔會覺得好口渴。另一個主菜就係斑斕椰汁牛肉飯。啲飯雖然係綠色但係都充滿好香嘅椰汁味，仲有啲牛肉食落去都係軟林林仲要好入味。大家有機會可以自己去試吓好似周圍都有分店㗎。