影片
更多
2024-03-25
1599 瀏覽
朋友強烈推薦，今次就黎嘉里酒店嘅呢間中菜館食晚飯，環境好舒適，有海景。另外入面係RED SUGAR係酒吧，食完飯仲可以過隔離飲番兩杯。🔶片皮鴨 $788 ★★★★☆一鴨兩食，即埸片鴨，鴨皮、鴨肉分開，片皮鴨香脆，帶油香感，正！而鴨肉都幾鮮嫩多汁，唔會太乾身，仲食到鴨肉鮮味！配埋甜醬汁、青瓜、京蔥，另一種滋味！兩食仲有生菜夾鴨鬆，香口酥化，加埋豆瓣醬食一流！🔶楓糖黑豚肉叉燒 $338★★★★☆招牌菜之一，叉燒份量唔多但賣相擺盆好靚。叉燒肥瘦適中，每舊都有適量脂肪，分佈平均。咬落軟稔得黎多汁，有豬肉香，加埋楓糖汁，甜而不膩！🔶愛爾蘭黑啤燴牛肋肉 $388★★★★☆起哂肉一件件方便夾，牛肋肉炆到好夠，入味之餘入口融化咁制，完全唔洗點樣咀嚼！食多幾件會膩，4人以上叫會較適合🔶龍蝦湯西施泡飯 $488★★★★★龍蝦湯西施泡飯好正，濃郁得黎又清甜，蝦嘅鮮味勁出，泡飯真係精華所在。龍蝦肉 Q彈爽脆，不自覺食完一碗又在添！🔶鮑汁鱆魚雞粒飯 $268★★★★☆足料伴飯，米飯粒粒分明，夠哂油潤感，每啖都勁多食材，加上有鮑汁，好惹味。🔶松露野菌素千層 $268★★★★☆當日唯一一碟素菜，清清地唔錯。素千層其
🔶片皮鴨 $788 ★★★★☆
一鴨兩食，即埸片鴨，鴨皮、鴨肉分開，片皮鴨香脆，帶油香感，正！而鴨肉都幾鮮嫩多汁，唔會太乾身，仲食到鴨肉鮮味！配埋甜醬汁、青瓜、京蔥，另一種滋味！兩食仲有生菜夾鴨鬆，香口酥化，加埋豆瓣醬食一流！
🔶楓糖黑豚肉叉燒 $338★★★★☆
招牌菜之一，叉燒份量唔多但賣相擺盆好靚。叉燒肥瘦適中，每舊都有適量脂肪，分佈平均。咬落軟稔得黎多汁，有豬肉香，加埋楓糖汁，甜而不膩！
🔶愛爾蘭黑啤燴牛肋肉 $388★★★★☆
起哂肉一件件方便夾，牛肋肉炆到好夠，入味之餘入口融化咁制，完全唔洗點樣咀嚼！食多幾件會膩，4人以上叫會較適合
🔶龍蝦湯西施泡飯 $488★★★★★
龍蝦湯西施泡飯好正，濃郁得黎又清甜，蝦嘅鮮味勁出，泡飯真係精華所在。龍蝦肉 Q彈爽脆，不自覺食完一碗又在添！
🔶鮑汁鱆魚雞粒飯 $268★★★★☆
足料伴飯，米飯粒粒分明，夠哂油潤感，每啖都勁多食材，加上有鮑汁，好惹味。
🔶松露野菌素千層 $268★★★★☆
當日唯一一碟素菜，清清地唔錯。素千層其實係用左腐皮，做到千層酥咁，所以口感好豐富。腐皮索哂松露野菌醬汁，所以清得黎都好濃郁，唔會寡。
🔶檸檬煎雞脯 $268★★★☆☆
醬汁超正，夠哂酸帶甜，勁開胃。雞肉嫩滑，炸皮好酥脆，但略嫌厚身左小小。
🔶陳醋黃瓜拌珊瑚海蜇 $138★★★☆☆
呢個就相對普通左啲，都係預想味道，唔算太有驚喜。作為前菜不過不失。
🔶乾清棗皇糕 $78★★★★★
棗皇糕一上枱已經聞到陣棗香，熱辣辣食落Q彈唔黏牙，紅棗同椰子香好夾，唔會單方面搶哂FO，兩樣夾埋甜而不膩。數一數二食過好食嘅棗皇糕，秒清完馬上再ECORE叫多籠。黎呢到絕對必點呢個甜品。
🔶奶黃小柑桔 $78★★★☆☆
呢個造型別緻可愛，口感煙韌，入面有奶黃餡。細細件，一啖一件啱啱好！
🌟總括：成餐飯都好滿意，菜式好味，環境舒適。仲要望住海景食，必定會再黎！
張貼
