Gastrobox The Cameron (已結業)

母親節正日要返工，咁就今日同媽咪預祝母親節啦。朋友介紹呢間餐廳，環境又好嘢食又好味，咁就一於book枱嚟試吓啦。一嚟到，呢度環境氣氛確實好好。大部份都係情侶，氣氛好浪漫。香芒蟹肉田園沙律🥗呢個沙律夠晒清新，食落好fresh好開胃。黑松露野菌忌廉湯🥣呢個湯黑松露味好香，雖然係忌廉湯，但係飲落唔會好滯，應該所有女仔都會鍾意飲。烤特級新西蘭肉眼配紅酒燒汁呢個牛扒我哋叫咗五成熟，起初媽咪怕會太生，不過最後佢都大讚好好味。烹調時間煮得啱啱好，唔會太生又唔會太熟，襯埋個紅酒燒汁牛味更加出。香草大蝦🍤忌廉汁扁意粉呢啲意粉外表已經夠晒靚，食落估唔到咁好味。忌廉汁同意粉好夾，好香好開胃。Daily dessert係藍莓芝士蛋糕，上碟亦都好靚。相信個個鍾意食甜品嘅人都鍾意食芝士蛋糕，我都唔例外。味道好香濃，連我媽咪唔鍾意食甜品都係咁搶住食啊。呢間餐廳氣氛又好，食物又好味，啱晒節日或者生日黎慶祝啦。