Percent Kitchen & Fitness (已結業)

搜紫紫，一見到個 menu 已經覺得藍莓，香蕉同 yogurt 勁襯！ 店員一放低即刻急不及待試左一啖，藍莓，香蕉同 yogurt 嘅味道平均分佈，餐廳仲加咗蛋白粉令到杯野有少少蛋白粉獨有嘅味道，用蛋白粉黎整 smoothie 都係第一次，感覺好特別，營養又夠豐富，正。蘋果帆立貝沙律，沙律菜夠哂新鮮，特別鍾意佢切碎啲青蘋果同埋車厘茄加埋落去個沙律度，咁就可以增加酸甜嘅調和感覺啦，另外個黑醋亦都係好好味，用帆立貝黎併沙律我都係第一次咋，感覺都唔錯。黑松露鵝肝多士，呢個多士比起出面食到嘅質素高好多，之前食過出面嗰啲好多都係硬掘掘，凍冰冰嘅，呢個就脆卜卜又夠熱，好明顯就係啱啱烘好架啦，另外鍾意鵝肝上面嗰啲黑松露，原來同個鵝肝係會好夾，鵝肝方面就夠哂滋味啦，煎得夠香又肥美，真係好想再嗌多一碟啊。牛油果醬煙三文魚薄餅， 近排愛上咗呢一種薄度比梳打餅更薄嘅薄餅，向來都鍾意食牛油果，呢個牛油果醬酸酸地，加上三文魚同芝士，真係冇得彈啊。燒原汁德國豬手148， 呢碟真係不吃不可，個皮燒得勁脆，唔會燒得太硬，之前食過有啲都仲係咬唔開既添，另外佢個三個醬汁都係有調過味既，簡單到就算連茄汁都有，連醬汁都咁一絲