影片
更多
2015-06-27
2841 瀏覽
今晚，兩個口痕友(其實就係我同我老婆大人 ^^b)買完一大堆野番屋企後，本來諗住食會所晚餐，但係因為一直無食過屋苑下面間餐廳就膽粗粗走咗去試菜。點知。。。一入到去，侍應剛帶我倆坐下，我地就比一個有啲年紀，型型地既老人家盯上了~! 跟住仲行埋過黎吹水添！傾下傾下，先知佢係餐廳老闆~~點菜時，因為我地唔知有乜好食，老闆直接問我地budget幾多了。。。(邊有咁落單架？)。。。一輪口沫橫飛後(當然，係老闆完全控制全場了。。。):頭盤: 蒸扇貝+法式焗田螺+牛尾菠蘿串燒+牛尾湯+海鮮湯,外加蒜蓉多士。另上荔枝賓治+藍苺賓治。以頭盤份量來說，咁既數量多了一點。。。不過，食落又唔差喎！尤其係牛脷串燒，燒得剛剛好！主菜: 燒羊胺+燒豬排。主菜本來十分不錯，羊胺燒得剛熟，肉香四溢; 燒豬排雖然較乾身，但肉汁依然不錯。只係之前頭盤實在太多，令我地倆人都食到有啲滯。。。。^^"甜品: 焦糖布丁+蘋果批甜品屬清甜可口之作，一輪衝刺後緩和腸胃，也不錯吧！相可以自己睇下面。。。
一入到去，侍應剛帶我倆坐下，我地就比一個有啲年紀，型型地既老人家盯上了~! 跟住仲行埋過黎吹水添！傾下傾下，先知佢係餐廳老闆~~
點菜時，因為我地唔知有乜好食，老闆直接問我地budget幾多了。。。(邊有咁落單架？)。。。一輪口沫橫飛後(當然，係老闆完全控制全場了。。。):
頭盤: 蒸扇貝+法式焗田螺+牛尾菠蘿串燒+牛尾湯+海鮮湯,外加蒜蓉多士。另上荔枝賓治+藍苺賓治。
以頭盤份量來說，咁既數量多了一點。。。不過，食落又唔差喎！尤其係牛脷串燒，燒得剛剛好！
主菜: 燒羊胺+燒豬排。
主菜本來十分不錯，羊胺燒得剛熟，肉香四溢; 燒豬排雖然較乾身，但肉汁依然不錯。只係之前頭盤實在太多，令我地倆人都食到有啲滯。。。。^^"
甜品: 焦糖布丁+蘋果批
甜品屬清甜可口之作，一輪衝刺後緩和腸胃，也不錯吧！
相可以自己睇下面。。。
題外話/補充資料：
戲肉在後頭:
老闆見我倆面生，曾講過一句依我們開出的budget出菜。本來我地都當講笑咁聽，問題係當真係賣單時，銀碼照跟老闆開出黎既價~~?! :o (將單幾錢不便透露，簡單講就係會令人唔好意思既程度。。。)
估計未來我地都係會周不時去食下，不過。。。為咗令佢繼續服務大眾，長做長賺。。。都係計番正價啦！
(以上食評乃用戶個人意見 , 並不代表OpenRice之觀點。)
張貼
