太田茶餐廳 (已結業)

今日打完波，老規矩就一齊食埋個Late Lunch喇，但事關次次黎西灣河打，都係去泰輕食既關係，我呢個麻煩友開始嫌悶。有個住附近既朋友帶我地行左出另一邊搵食，黎到呢度，見到一間普通茶記。大家打完波拎住晒啲野，又冇乜力既情況下，諗都唔諗就衝入去坐低。睇下Menu佢又有Lunch又有下午茶，但入面啲野食差唔多。好神奇地有海南雞飯有午餐又有茶餐，價錢有啲出入。一問之下，原來只係大碟啲同細碟啲既分別。好，我唔太餓，黎個輕食，秘製芝士魚柳包。傾下計，等左陣其他人啲飯麵都到齊，最後先到我個包，有啲唔開心囉，包竟然遲黎過啲飯麵。好彩最後黎到個樣真係唔差，熱辣辣，應該係剛剛整起，即刻Gur返晒，哈哈哈哈。切開一半留比男朋友試下，見到佢個魚魚魚柳 (有煙呀~)，試下先，咬落去熱辣辣，新鮮做起，必定好味啲，加分！魚柳外面脆卜卜，入面暖笠笠，又夠Juicy，唔會太乾身，再加分！加埋佢個溶溶地既芝士，味道好match，一向比較清淡既魚柳，加上濃郁既芝士熱辣辣溶溶地咁混埋一齊，好好味。即刻叫男友放低佢食緊既飯，試下我個包包包！男朋友都話唔錯~仲話好味過佢個飯添呀！係就係慢左少少，但誠意搭夠，熱辣新鮮。下次有機會