譽居 (已結業)

講真啲食肆推出會員制度,冇非想食客多些來幫襯,因為好多時入咗會,會員會有優為,但唔喺間間都咁諗,而呢間譽居就喺嘞,我入會時都要比幾十蚊呀,(不是現金卷),但以後食嘢免加一,仲有一疊優為卷送潻.今日行過譽居見仲喺早餐時間,於是幫襯,就叫了一碟蝦腸($24早餐價丶一碗雙丸粥(特價$26),醒起我有一張優為,叫正價粥有一條油炸鬼送,不過我都嘗試指注特價粥個牌問仲可唔可以用張卷,當時侍應話得,但到埋單時要比六十八蚊,我問點解?原本$50,宜家要$68,收銀亜姐話用優為卷碗粥要收正價喎,算數,咁都喺$62啫,收銀亞姐話用咗優為卷全單冇免一,嘩,有冇攪錯,好彩我唔喺晚市食九佰蚊啫,咪又要為你一條油炸鬼,比多九十蚊,我唸就算問返個侍應,佢都喺唔認呀啦,相信條油炸鬼喺我有生之年最貴嘅一條囉,間嘢咁做法幾好吃都喺假,更可况都是一般,冇乜特別