勝記海鮮酒家

營業中

休息中

今日到咗西貢住兩晚，第一餐就食西貢最出名嘅海鮮。見到有一間叫勝記海鮮飯店，佢相比其他海鮮酒家係好偏僻，同埋見到有所為嘅米芝蓮牌，就試吓睇吓係中伏定係堅好食。食完就真係伏得好緊要，海鮮只係叫咗三樣。第一樣，花竹蝦兩隻，我地選擇咗刺身；第二樣，瀨尿蝦皇，我地選擇清蒸；最後一樣，花螺，我地選擇辣酒煮。續樣講，首先講花竹蝦刺身（6兩-$240，未計加工費）冇鮮甜味冇蝦味，清蒸瀨尿蝦皇（8兩-$200，未計加工費），上碟只係得隻碟同隻蝦，沒有其他伴碟（最衰忘記影相）。最後係辣酒煮花螺（12兩-$180，未計加工費），花螺韌辣味似街邊辣魚旦。貴得嚟好食都好，最橙就係貴得嚟唔好食，而米芝蓮嘅星，已經係2018嘅事，唔知係咪因為近幾年食物質素好差而攞唔到（我估），我覺得係咪要規管一D過氣嘅米芝蓮餐廳，唔俾佢地掛個牌出嚟呢？到最後埋單係$1518。包括刺身費$178，辣酒螺費$118，蒸瀨尿蝦費$178，海鮮$620，一支酒$58，豉油皇牛肉粉米$188，茶💰$40/2位。總結，勝記係有名冇實力嘅海鮮酒家。唔食唔會後悔，食咗先係後悔。