Sahara Mezz Bar (已搬遷) 新店位置

今日想來點小衝擊, 捨棄大路嘅中西日韓泰菜, 嚟到呢間座落SOHO, 主打摩洛哥風味嘅Sahara。餐廳內牆身用上奪目橙色, 配搭深啡色檯凳, 加上不同形狀嘅玻璃小吊燈, 令人有種置身於神秘國度嘅感覺。鐘情於mezze嘅我當然係叫成個拼盤啦！前菜拼盤非常豐富, 有兩款dip、雞、羊、蝦、魚、芝士同酸菜, 一共有8款。 Egyptian Mezze Platter $210Hommos, 鷹嘴豆蓉很細滑, 帶簡樸嘅豆香。Zaaluk 混合茄子蓉、番茄、橄欖油同香草, 蘸pita bread食, 夠晒地道！羊肉腸, 腸衣很薄, 羊肉鹹香中帶點香草味。蝦肉煎得很香, 肉質富有彈性。feta cheese味道十分濃郁。Lamb Tagine $180 以傳統Tagine鍋燜煮羊肉係經典嘅摩洛哥菜式, Tagine除咗賣相具特色之外, 帽狀鍋蓋喺燜煮過程可以凝聚水蒸氣, 保留肉汁。鍋中加入杏脯、西梅乾、青橄欖等果肉, 令羊肉帶有獨特果香味。羊肉燜得非常軟熟, 肉汁特別濃郁, 伴上口感蓬鬆嘅北非小米couscous, 簡直係絕配。