卅二公館

營業中

休息中

✴️椒鹽鮮魷粟米芯-有穫氣的椒鹽鮮魷 同時椒鹽粟米芯口感都相當特別👍🏻✴️西班牙黑豚肉根馬拉盞椒絲椰菜苗-好惹味既椰菜苗 好有咬口 菜吸收哂肉汁 好好味✴️蜜汁頂級西班牙黑毛豬叉燒-必點之作 半肥瘦叉燒 肉質好嫩 外皮燒得剛剛好 有少少脆邊 蜜汁又唔會太甜 直頭係我心目中既招牌菜❤️✴️片皮鴨-餐廳既食法係先食左淨脂肪既鴨皮 第一次食感覺好新鮮 但係個人覺得太油膩 唔愛好🤨同埋唔知係咪太大冷氣 熱辣辣既包皮落到碟會即刻凍左 令到成件事係凍住黎食 好扣分🥲然後我地試下唔包皮淨係食鴨 件鴨會變返熱食 仲係好好味的😂扁皮鴨既兩味 我地揀左椒鹽烹調 十分惹味 當日圍檯 二食比一食更受歡迎😂另外有個小表演 店員會用轉碟形式去調配食鴨既醬汁 好Amazing🥰✴️魚湯四寶泡飯-魚湯好鮮甜 好夠濃湯 飯裡面加左脆脆 令口感再度昇華 飯既軟硬度剛好 呢排凍凍地食返個熱湯飯 真係好暖胃 推薦你地都要試下❤️ 餐廳利用柔和燈光 令到環境氣氛好有情調 加上食物質素優質 每道菜都各有特色 可以食到好多特別既菜式 而且店員服務態度貼心周到 門口的打卡位別具心思 極力推薦大家過黎試下 無論係紀念日定普通飯聚 都非常適合❤️❤️