更多
2024-01-30
12 瀏覽
今日同朋友睇完戲喺荃灣廣場搵嘢食呢間餐廳閒日夜晚都好多人等位,但見食物款式都好多選擇,尤其是我哋對佢嘅甜品都好有興趣就等下啦最後等到個窗邊卡位,主食我哋叫咗沙嗲串燒,咖哩軟殼蟹同雜錦海鮮船河沙嗲串燒要最少三串起跳,燒得夠惹味,食落啖啖肉,醃料又唔會太鹹,醬汁香口咖哩軟殼蟹,用個熱爐熱住食,唔會變凍令到啲咖哩變到結撻撻,讚!軟殼蟹有兩大隻,份量十足,外皮炸得香脆,咬落鬆軟,好好味。咖哩非常香濃,點咗個飯嚟配,醬汁真係好好送飯,好滋味!至於個雜錦海鮮湯河,同樣夠份量,材料豐富,湯頭味濃,材料有扎肉,泰國肉丸,肉片,炸豬皮,豆卜等等,再加埋炸蒜,香葉等,真係十分好味!我哋都已經好飽,不過見到每台都有食甜品咁滯,而且佢有糯米飯雪糕,係我地當初揀呢間餐廳原因,所以點都要試下,朋友就試咗佢嘅榴槤味,我就試咗加量芒果糯米飯雪糕。雪糕好好食,又甜又香。芒果又係好香甜,朋友大讚榴槤味濃。我地簡直係開左個甜品胃,再點左鮮奶油蜂蜜丹麥厚吐司,同埋加多杯北海道牛奶雪糕。丹麥吐司非常之酥脆,配搭埋奶油同蜂蜜,好邪惡但又非常香甜,鮮奶油同蜂蜜好好味,加雪糕又多一重冰冷同香甜,好食!
呢間餐廳閒日夜晚都好多人等位,但見食物款式都好多選擇,尤其是我哋對佢嘅甜品都好有興趣就等下啦
最後等到個窗邊卡位,主食我哋叫咗沙嗲串燒,咖哩軟殼蟹同雜錦海鮮船河
沙嗲串燒要最少三串起跳,燒得夠惹味,食落啖啖肉,醃料又唔會太鹹,醬汁香口
咖哩軟殼蟹,用個熱爐熱住食,唔會變凍令到啲咖哩變到結撻撻,讚!軟殼蟹有兩大隻,份量十足,外皮炸得香脆,咬落鬆軟,好好味。咖哩非常香濃,點咗個飯嚟配,醬汁真係好好送飯,好滋味!
至於個雜錦海鮮湯河,同樣夠份量,材料豐富,湯頭味濃,材料有扎肉,泰國肉丸,肉片,炸豬皮,豆卜等等,再加埋炸蒜,香葉等,真係十分好味!
我哋都已經好飽,不過見到每台都有食甜品咁滯,而且佢有糯米飯雪糕,係我地當初揀呢間餐廳原因,所以點都要試下,朋友就試咗佢嘅榴槤味,我就試咗加量芒果糯米飯雪糕。雪糕好好食,又甜又香。芒果又係好香甜,朋友大讚榴槤味濃。
我地簡直係開左個甜品胃,再點左鮮奶油蜂蜜丹麥厚吐司,同埋加多杯北海道牛奶雪糕。
丹麥吐司非常之酥脆,配搭埋奶油同蜂蜜,好邪惡但又非常香甜,鮮奶油同蜂蜜好好味,加雪糕又多一重冰冷同香甜,好食!
張貼