前家樂餐廳火鍋店 (已結業)

平時食飯多數都係食西餐中餐日本菜嗰啲嘢，所以今次想同女朋友試吓特別啲嘅食物！見到網上好多人介紹呢間嘅雞煲好食，所以都特登慕名而來！入到門口已經聞到好香嘅雞煲味道！好似隻雞已經等緊我食佢咁哈哈！同女朋友叫咗半隻雞，同埋一啲配料，見到網上好多人介紹醉雞煲所以都忍唔住想試吓(雖然本身唔係特別好醉雞煲，但係個樣好似好正)成個湯一送到上嚟已經聞到好香好濃郁嘅花雕酒味道，再加埋望到啲雞就已經流晒口水我覺得呢間雞煲用嘅雞真係好好食，唔怪得知咁多人讚佢呢度嘅用料好好！好彈牙嘅雞再配合濃郁嘅花雕酒湯底，真係絕配！另外叫咗六隻蠔😍😍好肥美，就算熟咗之後都唔會變得好細粒，好有口感！仲叫咗一碟羊肉片，哈哈本人就覺得羊肉片在家最雞湯底個感覺好夾！鍾意食羊嘅不妨一試☺️