燒鵝大皇

營業中

休息中

不嬲都係燒鵝大王嘅擁躉。第一次去食嘅時候，見到個價錢牌會嚇親，因為都偏貴。但係當碟飯嚟到見到個份量嗰陣，再食埋啲燒味，就覺得一啲都唔貴，對得住個價錢。你都識有兩個貼士俾大家。第一，記得要嗌一碟，唔好話一碗。皆因價錢就爭少少，燒味嘅份量亦都會有少少唔同。第二，如果你係多個一個人嚟食，各自嗌兩個單數煩，再互相share，會平啲啲。叉燒飯照舊都係嗌肥叉飯，已上碟嘅都偏瘦，不過就有燶邊，算佢啦。今次叉燒質素好好，夠香夠甜，非常不錯，而且擺碟亦都唔差。燒鵝飯正！今次有燒鵝髀食！燒鵝嘅質素，肥瘦均勻個皮仲係脆㗎。份量一如既往嘅多，燒鵝亦一如既往嘅好味，以呢個價錢食到呢個質素絕對超值。點解標題會話係撞手神，自己意味下啦，哈哈！