影片
更多
2020-03-01
329 瀏覽
我從來唔寫食評，但今次係呢啲非常時期遇到嘅事情我真係要幫佢宣揚開去！向來覺得呢間野都OK好食，但嚴重唔衛生有用嗎？呢間嘢我耐不時都會黎幫親，但今次之後我唔會再黎！係呢個武漢肺炎肆虐嘅緊張時刻，呢間銅鑼灣嘅江浙滬竟然有職員唔帶口罩，仲要係廚房出出入入，仲要上菜！我order左4個餸，頭兩個餸係有帶口罩職員上菜，第三、四道餸係個位黑衫無帶口罩黑衫職員上菜（職員話佢係老闆）。佢上第三道菜嘅時候，見佢無帶口罩，我已經O嘴。不過見佢上完菜即刻走左出門口食煙，咁我估計佢係因為趕著食煙手快快除左口罩順便上完我道菜先出去。（雖然我覺得咁樣嘅food safety都唔係咁好㗎啦，不過我又唔係係啲咩高級餐廳，無謂咁腌尖啦）佢食完煙後我一直望著佢，佢原來一直都唔戴口罩，仲要上埋我第四道餸。上菜時有講係上緊咩菜式。有無病菌散落我道菜，我真係唔知😨我即刻叫佢戴翻口罩。佢聽到我EE哦哦，好不滿，即刻話再煮過俾我。我二話不說退翻碟嘢比佢即刻埋單走。當然亦忍唔住話佢地啦！😡試問一間餐廳嘅老闆衛生意識咁低，佢嘅衛生程度可以有幾高？依家唔係平時普通病菌可以抵抗到，依家呢個病毒我地無抗體㗎，大佬！枉佢門口大大隻字寫著「齊抗
向來覺得呢間野都OK好食，但嚴重唔衛生有用嗎？呢間嘢我耐不時都會黎幫親，但今次之後我唔會再黎！
係呢個武漢肺炎肆虐嘅緊張時刻，呢間銅鑼灣嘅江浙滬竟然有職員唔帶口罩，仲要係廚房出出入入，仲要上菜！我order左4個餸，頭兩個餸係有帶口罩職員上菜，第三、四道餸係個位黑衫無帶口罩黑衫職員上菜（職員話佢係老闆）。佢上第三道菜嘅時候，見佢無帶口罩，我已經O嘴。不過見佢上完菜即刻走左出門口食煙，咁我估計佢係因為趕著食煙手快快除左口罩順便上完我道菜先出去。（雖然我覺得咁樣嘅food safety都唔係咁好㗎啦，不過我又唔係係啲咩高級餐廳，無謂咁腌尖啦）
佢食完煙後我一直望著佢，佢原來一直都唔戴口罩，仲要上埋我第四道餸。上菜時有講係上緊咩菜式。有無病菌散落我道菜，我真係唔知😨
我即刻叫佢戴翻口罩。佢聽到我EE哦哦，好不滿，即刻話再煮過俾我。我二話不說退翻碟嘢比佢即刻埋單走。當然亦忍唔住話佢地啦！😡
試問一間餐廳嘅老闆衛生意識咁低，佢嘅衛生程度可以有幾高？依家唔係平時普通病菌可以抵抗到，依家呢個病毒我地無抗體㗎，大佬！
枉佢門口大大隻字寫著「齊抗疫，抗疫價」嗰啲咁嘅廢話。抗疫？播毒就有份！
張貼