Paul Lafayet (已結業)

之前訂左蛋糕今日去攞，下晝4點去到唔見有人係舖度，由於我趕時間， 於是問下舖頭旁邊其他嘅店員知唔知個staff去咗邊,佢哋都話唔清楚， 由於店舖個電話係一個手提電話號碼， 我唯有嘗試打電話過去睇下會唔會有人接聽， 於是果然我只係聽到店舖有電話響…… 而一直都唔見有staff返嚟…… 店鋪淨係放左兩個牌，一個話行開咗叫客人等一陣再返嚟，一個就話係午飯時間…… 我諗冇理由四點幾先食飯㗎，諗住佢可能去咗洗手間或者行開左，過一陣返嚟喇於是我唯有去過洗手間，再返嚟睇下啦，都係冇人……咁我去citysuper行兩個圈啦，都冇人…正準備放棄之際終於先返黎， 雖然最後都攞到個蛋糕但係真係即到一肚氣…上公司個網又淨係得分店電話， 打極去分店都冇人聽有冇人， 等半個鐘都唔知嗰個人幾時返， 本身個蛋糕又唔係平仲要我嘥啲咁嘅時間！ 有冇總店電話投訴都唔知可以去邊。建議真係放飯都寫埋俾人知你放飯由幾點到幾點會冇人係度，等客人有個預算幾點返黎。行開都可以寫大概幾多分鐘咁，唔好乜都冇，4點幾仲放緊lunch？仲要唔知等幾耐先見人！蛋糕係唔差的，但唔係驚為天人咁好食囉，但咁嘅服務真的令我不會再幫襯！