板上 (D2 Place) (已結業)

喺D2入面嘅食店，唔算係完全食過，行過見到餐牌寫住珍珠飯，而餸喺口味都有點吸引，店內只有幾檯客冇咩人，所以就會一會佢。叫咗個赤味噌燒豚肉五花·珍珠飯🍱，同埋板上雪花一口牛·珍珠飯🍱，坐咗一陣食物就準備好喇。店員㩒號碼制，個系統就自動讀出單號。😖最討厭嘅事情發生了，個咪超級大聲😨(可能當時地方冇咩人)，仲要重複三次，每次有人叫食物老非常嘈🙉。食物都算唔錯，牛肉裡面粉紅色，有肉汁質地嫩，五花豚肉加埋醬汁，味道好好👍食物盒設計係一個木盒，再加一個即棄嘅紙盒，設計係方便，但有啲唔環保🙅因面向廚房關係，見到店員清理飯盒，掉走紙盒後，用條布抹吓個木盒、餐盤及放食物嘅竹籃子，不過見到有人食完啲骨，吐咗落餐盤，店員用條布抹完個餐盤，接住又抹下一個放食物嘅竹籃同木盒，😒最重要係條布冇洗過……😱好嘔心~