Lamlam脷 (已搬遷) 新店位置

難得平日放假，終於俾我試到期待已久嘅lamlamli！十二點五十分去到已經有兩三個排緊隊， 不過都仲買到我最想食嘅抹茶流心千層蛋糕 同埋 伯爵茶千層蛋糕！抹茶流心千層蛋糕作為一個抹茶控，我覺得呢個抹茶嘅味道真係好好食。佢食落唔會覺得漏，抹茶味道唔會太甘，或者太甜，啱啱好。每層千層糕都好薄，口感非常之好。配合埋濃濃嘅抹茶流心，成個配搭真係100分。伯爵茶千層蛋糕至於另外一個我好想試嘅味道就係伯爵茶千層蛋糕。口感一樣非常之好，伯爵茶味就好香好濃， 一啲都唔俗，真係好好食！總結兩隻味都好好食！我甚至認為lamlamli比某大連鎖蛋糕店嘅千層蛋糕仲要好味！！有機會仲好想下抹茶奶蓋同埋曲奇口味！