丼瀛 (已搬遷) 新店位置

今個星期屋企無自家飯食所以差唔多日日都出街食，食咗幾日打邊爐，今日決定同朋友食日本嘢😆甜蝦角切魚生丼:醋飯軟咗少少😅但魚生分量有好多同埋全部都好新鮮😋牛肉鍋(黑蒜油湯底):牛肉同蔬菜嘅份量都唔少，黑蒜油湯底好香飲落唔會油，我地連湯都差唔多飲晒👍🏻流心芝士漢堡扒:芝士味唔係好濃，但漢堡扒肉質鬆軟有肉味唔點醬都好味😊什錦天婦羅:因為我地掛住傾計搞到天婦羅凍晒先食，但即使凍咗仍然好脆好好食👍🏻芝士年糕:芝士控必食👍🏻建議一定要一上枱就食，熱辣辣芝士流出嚟真係好正❤其實仲有好多食物都好有興趣，下次會再約朋友嚟試下😎😎