逗點

營業中

休息中

聯和墟食肆林立，中韓日越泰台，款式應有盡有，我個人性格鍾意試新餐廳同偶爾食唔同類型菜式，所以逗點新開張無耐已經去試。好記得第一次試就係吉列豬扒飯配麻辣汁，份量、味道、醬汁我都好鍾意，之後就去食埋其他套餐，好快已經試完佢所有套餐，不過佢哋不斷進步開業一年多就多咗蝦、牛腩、叉燒、依家連鰻魚都有，真係幾驚喜。逗點除咗套餐外，佢哋嘅炸物同樣出色，有次同囝囝搞生日派對，外賣叫咗魷魚鬚、吐司、蟹肉忌廉同紫薯甘粟薯餅，朋友都話好好食。當然一間餐廳食物質素外，態度都好重要。每次去兩位老闆都好好禮貌，好有人情味，記得生日派對電話落單，但我誤以為小食會包一杯飲品，直至去取外賣，先驚覺係+$20轉套餐先有飲品，最後老闆好好免咗十幾杯嘢飲。直到今日熱屎辣辣，食返吉豬，水準保持到，仲送我一杯甜品，完全感受到人情味，所以非常推薦大家支持小店！