影片
更多
2020-10-28
346 瀏覽
黃店嘅火鍋店得好少，呢間係難得搵到嘅，而且係請一啲聾啞人士做員工。我地喺平日食，而且有四人限聚令之下，其實佢都算幾好生意，睇落去都full full地。佢係任食嘅， 原價好似係288一位，但係長期有折，另外要加一同埋另收醬油錢，所以discount 完都要成251一個人，喺旺角兆萬嚟講我覺得都唔算平。佢係屬於港式火鍋，冇台式嘢飲同小食，但食物種類都算齊全嘅， 最初有一盤送既海鮮，有少少魚片、帶子、蜆同蝦，之後係冇得order 既。但牛肉嘅質素好好，你睇圖片，完全唔係好肥嗰啲肥牛，但切得非常之薄。 佢係用ipad點菜嘅，中途都試過有一批牛肉一直沒上菜，但係佢員工都幾多，所以你同佢員工講，佢都會好快幫你跟進。我覺得整體食物質素係唔錯嘅，嘢飲就冇咩特別驚喜，都係啲紙包嘢飲。湯底方面我哋嗌咗豬骨湯，但係有超多胡椒係入面，佢另外有個胡椒豬肚湯，但係呢個豬骨湯好似胡椒豬骨湯咁樣，另一邊酸菜白肉鍋又係好大陣胡椒味，我覺得如果佢係咁嘅應該要寫明， 如果唔鍾意食胡椒嘅人就可以避免。另外就係你book咗幾多點呢，時間就個時開始，即是你嗰時就算未入去呢，都開始計緊。 我覺得呢一點就有少少harsh. 因為佢
我地喺平日食，而且有四人限聚令之下，其實佢都算幾好生意，睇落去都full full地。佢係任食嘅， 原價好似係288一位，但係長期有折，另外要加一同埋另收醬油錢，所以discount 完都要成251一個人，喺旺角兆萬嚟講我覺得都唔算平。
佢係屬於港式火鍋，冇台式嘢飲同小食，但食物種類都算齊全嘅， 最初有一盤送既海鮮，有少少魚片、帶子、蜆同蝦，之後係冇得order 既。但牛肉嘅質素好好，你睇圖片，完全唔係好肥嗰啲肥牛，但切得非常之薄。 佢係用ipad點菜嘅，中途都試過有一批牛肉一直沒上菜，但係佢員工都幾多，所以你同佢員工講，佢都會好快幫你跟進。
我覺得整體食物質素係唔錯嘅，嘢飲就冇咩特別驚喜，都係啲紙包嘢飲。湯底方面我哋嗌咗豬骨湯，但係有超多胡椒係入面，佢另外有個胡椒豬肚湯，但係呢個豬骨湯好似胡椒豬骨湯咁樣，另一邊酸菜白肉鍋又係好大陣胡椒味，我覺得如果佢係咁嘅應該要寫明， 如果唔鍾意食胡椒嘅人就可以避免。
另外就係你book咗幾多點呢，時間就個時開始，即是你嗰時就算未入去呢，都開始計緊。 我覺得呢一點就有少少harsh. 因為佢cut單都係提早成三十五分鐘cut單， 而且當初book位打去係冇講明係兩個鐘嘅，呢一點要improve下。
張貼
