南亭 (凱譽)

營業中

休息中

《南亭 - 尖沙咀》近來多左去居酒屋食聚會, 可以同朋友食住串燒再飲番杯先番屋企, 醉翁之意不在食物，係在酒呀嘛😉 今次朋友帶左我去公司附近既一間日式居酒屋食串燒, 飲左兩杯啤酒, 佢D串燒既種類有好多, 由於之後仲要食飯, 所以我地都只係每人叫左幾串止下口痕💁🏻‍♀️燒豬頸肉食日串必叫既一款串燒, 油香十足, 同啤酒既味道十分合拍, 點少少海鹽已經好好食 💁🏻‍♀️蒜香安格斯牛柳牛柳燒得唔會過熟而令到肉質柴皮, 有勁厚既一層蒜蓉調味, 食完個口一定勁重味, 但係真係好食的 💁🏻‍♀️雞軟骨又係一道下酒菜, 食落爽脆有咬口, 食到雞油香 💁🏻‍♀️多春魚燒得都幾靚, 上枱時係原條既多春魚無穿無爛的, 少少調味已經好香好好食, D春爆滿幾有口感