影片
更多
2024-08-21
4080 瀏覽
一心想嚟食私房菜，見呢間好似好巴閉咁，三個月前就要訂枱，就一於等你三個月。原先餐牌是單點價錢，後來改了迫人食套餐，我們揀了599一位五個菜一個湯。套餐一定比單點貴好多。首先講講個爵士湯，花膠湯的材料是充足的，但是加入了哈密瓜反而影響了成煲湯的真材實料，變成好似飲緊糖水湯咁！失敗！炸蟹鉗：唔應該有什麼難度的菜式，一般酒家都整到，兼且唔會難食，但佢竟然可以整到入口即林，唔彈牙，所謂的蟹鉗真係好似拾回來的蟹腳擺上去一樣，無肉的。失敗之中嘅失敗！冰鎮咕嚕肉：咕嚕肉是一粒粒比牛肉粒差不多大細的肉粒，外層是粉漿厚厚的，再蓋上一大堆冰塊，用一個醜陋的器皿承載住，真是顛覆了我對冰鎮咕嚕肉的感覺！失敗失敗失敗！還有其餘幾道菜式，真是平凡之中的平凡極點，上檯時只是暖暖的，完全沒有鑊氣及沒有熱辣辣的感覺。最後上來的所謂水果，我們五個人，給了七件橙，咩玩法？比兩個橙要用你幾錢呀？你不如榨汁分俾我地飲仲好分d啦！孤寒到咁樣真係所有錢你賺晒啦鬍鬚佬！最後仲要播放住香港小姐音樂扮大明星咁出嚟同大家敬酒，問我哋好唔好食喎？唔比回應你係因為我哋夠量度，但你真係唔好再用咁嘅質素收咁嘅價錢去呃人啦！仲夠膽問好唔好食真係厚顏
原先餐牌是單點價錢，後來改了迫人食套餐，我們揀了599一位五個菜一個湯。套餐一定比單點貴好多。
首先講講個爵士湯，花膠湯的材料是充足的，但是加入了哈密瓜反而影響了成煲湯的真材實料，變成好似飲緊糖水湯咁！失敗！
炸蟹鉗：唔應該有什麼難度的菜式，一般酒家都整到，兼且唔會難食，但佢竟然可以整到入口即林，唔彈牙，所謂的蟹鉗真係好似拾回來的蟹腳擺上去一樣，無肉的。失敗之中嘅失敗！
冰鎮咕嚕肉：咕嚕肉是一粒粒比牛肉粒差不多大細的肉粒，外層是粉漿厚厚的，再蓋上一大堆冰塊，用一個醜陋的器皿承載住，真是顛覆了我對冰鎮咕嚕肉的感覺！失敗失敗失敗！
還有其餘幾道菜式，真是平凡之中的平凡極點，上檯時只是暖暖的，完全沒有鑊氣及沒有熱辣辣的感覺。最後上來的所謂水果，我們五個人，給了七件橙，咩玩法？比兩個橙要用你幾錢呀？你不如榨汁分俾我地飲仲好分d啦！孤寒到咁樣真係所有錢你賺晒啦鬍鬚佬！
最後仲要播放住香港小姐音樂扮大明星咁出嚟同大家敬酒，問我哋好唔好食喎？唔比回應你係因為我哋夠量度，但你真係唔好再用咁嘅質素收咁嘅價錢去呃人啦！仲夠膽問好唔好食真係厚顏無恥！
一間掛羊頭賣狗肉的所謂私房菜，放啲和明星合照嘅相以為好猛料，呢啲就係呃人嘅伎倆，俾你騙一次夠啦，希望大家唔好中佢招！（唔好抱住睇吓佢有幾差嘅諗法去幫襯佢，咁樣只會俾錢佢賺，我相信好多人嚟一次都唔會再返轉頭！）
張貼