影片
更多
2021-03-23
1176 瀏覽
難得放假今日特登入黃竹坑行下，One Island South地下有一系列嘅食店，間間都唔錯，不過見到呢間裝修舒服外國Cafe感覺，所以就揀咗呢間食晏！Menu啲圖都好吸引樣樣都好似唔差最後揀咗最大張相嘅滑蛋鰻魚飯，我朋友就揀咗日式炸雞咖喱飯！朋友去咗洗手間，未返嚟所有餐點已經到齊晒！佢個咖喱飯炸雞正常，啲咖喱唔係熱嘅，咖喱汁唔夠咖喱味，薯仔同埋紅蘿蔔都唔入味！最失望嘅係個鰻魚飯，鰻魚好薄，條鰻魚個頭同埋個尾都係硬過石頭，好明顯係放入微波爐度叮熱佢，但係叮過龍！下面滑蛋同埋飯幾乎完全冇汁！我係要問佢攞七味粉撈個飯食先食到個飯，重點係個飯$148，加埋嘢飲+1 $170！竟然比啲咁嘅質素客人🥲最後連杯凍檸茶都係冇茶味，伏到！咁講啦，食得飽嘅，但係絕對唔係收呢個價錢！你如果$60比呢啲咁嘅質素，我都會覺得難食但係唔會詐型！同埋認真對待食物真係好重要！5分鐘都唔使所有餐點出晒嚟，好明顯全部都係預製食物，人均收費$150比咁差嘅碟頭飯地客食😅 餐廳裝修到咁四正真係曬曬個環境！可惜！
Menu啲圖都好吸引樣樣都好似唔差最後揀咗最大張相嘅滑蛋鰻魚飯，我朋友就揀咗日式炸雞咖喱飯！
朋友去咗洗手間，未返嚟所有餐點已經到齊晒！
佢個咖喱飯炸雞正常，啲咖喱唔係熱嘅，咖喱汁唔夠咖喱味，薯仔同埋紅蘿蔔都唔入味！
最失望嘅係個鰻魚飯，鰻魚好薄，條鰻魚個頭同埋個尾都係硬過石頭，好明顯係放入微波爐度叮熱佢，但係叮過龍！下面滑蛋同埋飯幾乎完全冇汁！我係要問佢攞七味粉撈個飯食先食到個飯，重點係個飯$148，加埋嘢飲+1 $170！竟然比啲咁嘅質素客人🥲
最後連杯凍檸茶都係冇茶味，伏到！
咁講啦，食得飽嘅，但係絕對唔係收呢個價錢！你如果$60比呢啲咁嘅質素，我都會覺得難食但係唔會詐型！同埋認真對待食物真係好重要！5分鐘都唔使所有餐點出晒嚟，好明顯全部都係預製食物，人均收費$150比咁差嘅碟頭飯地客食😅 餐廳裝修到咁四正真係曬曬個環境！可惜！
張貼