星巴克咖啡 (已結業)

今日下午返工前入去買個餐同飲品，我同個收銀講要肉醬闊面，跟著佢冇反應我以為佢聽唔到指埋俾佢睇都係冇反應！跟住我話要杯嘢飲，佢問我要咩size，同佢講話要中size跟住佢指咗三個杯嘅size俾我睇我只嗰個係中size嘅杯，跟住佢同我講嗰個係大嘅size，咁跟住我話要中size！首先我同佢講咗要中size咪直頭俾個中size我囉，點解又要我指三個杯邊一個size之後又要同我講嗰個係大size而且個態度極惡劣！感覺自己好似食過午餐，俾人審犯一樣！而且我已經唔係第一次喺呢間嘢買嘢我印象上一次我買嘢個服務員態度又係好差，都好似係佢！😡😡😡點解我食個飯都要受氣？