爺爺雞煲皇 (已搬遷) 新店位置

肥佬係新蒲崗打war game 所以我放左工就去搵佢啦！佢仲叫我搵定野食。5個男人全部都話好肚餓。我周圍行既時候比個店名吸引左我！「爺爺雞煲」🤣所以就叫肥佬去爺爺度搵我啦！佢有兩種雞煲，一種係醉雞有酒既，另工個就正常。今次試左無酒先！太肚餓既關係，叫左兩個小食手拍青瓜，夠惹味最緊要夠凍！爽身！炸花枝配柚子醬，花枝炸過香口，配埋個柚子醬酸酸甜甜都幾好食！仲好似無咁熱氣！開餐囉！雞煲好香配菜夠多！但可以再辣d!雞較瘦，如果厚肉d更抵死！雞唔鞋，都算入味，出便其他雞他煲個汁會傑身d但爺爺既雞煲汁就會相對無咁傑，所以我地未加湯已經放左d野入去凍豆腐必點！彈牙！吸晒d汁好正！餐肉炸過老闆話無咁易散！炸話就咁食都可以！墨丸蝦丸同鲮魚球！全自家制手打！墨丸教普通，但蝦丸好彈牙爽口！！鲮魚唔腥安格斯肥牛，一上台班佬隻眼發晒光！一彈就食晒！佢地話夠林同好有牛味，而且有返咁上下厚度！有口感！即炸響鈴！我見到人地食到卜卜聲忍唔住追加既！就咁食都好好食呀！微熱，夠脆！加埋雞煲汁勁惹味！鱔片，班佬唔鍾意，但我最愛！夠肥！脆身！粟米其實只係藉口話比自己聽健康d有驚喜！好甜！最後個個攬住個肚出黎！大家都好少去新蒲崗