Avenue75

營業中

休息中

Happy Friday放工和友人嚟到尖東海傍附近呢一間特色酒吧和西餐廳食晚飯，順道飲兩杯。環境十分舒適，座位寬敞，牆身掛滿掛畫，充滿格調。See My Pearl嚟到酒吧，當然要點一杯特色cocktail先！每次睇飲品menu總會覺得cocktail名稱都很美很好聽，經過一番選擇後，最後揀了招牌之一嘅呢一杯See My Pearl！呢杯cocktail賣相一流，以Gin為基底，加入棉花糖、茉莉茶、蜜糖和cream混合而成，口味甜甜的，又很綿密和creamy，非常易入口。炭燒墨魚柳飲酒必須要點上小食，而餐廳也提供多款小吃精選。我們點了呢一道炭燒墨魚柳，份量好多，墨魚柳很新鮮，口感爽，十分推薦呢一個佐酒小食。牛舌配照燒汁除此之外，我們點了一份燒牛舌，配上照燒汁，很喜歡牛舌鬆軟程度，充滿牛味，好有風味。龍蝦汁海鮮意大利扁麵主食方面點了龍蝦汁海鮮意大利扁麵，龍蝦汁不會好濃味，海鮮包括八爪魚、青口和大蝦等，非常豐富，義大利扁麵好嗦汁，整體很滿意。想飲酒同時又試到特色小食就不能錯過呢一間了。