影片
更多
2020-10-30
65 瀏覽
社交平台見到有人介紹呢間放題，就約咗朋友一齊去擦餐勁，之前限聚令餓得太耐，放題都照殺啦！位於酒店一樓嘅火鍋店，環境都係整潔及闊落啲。坐底後仲發現有提供A4紙供保存口罩，幾貼心！今次我地食澳洲M6和牛放題，價錢中等但選擇都幾多，肉類除咗本身揀咗個款仲包精選豚肉及牛舌心，仲可以試埋低價啲個啲款式，好似係頂級肩胛肥牛、鹿兒島豚肉等。最欣賞佢啲湯底都幾特別，有日式美顏豆乳鍋、花膠雞湯、泰式冬陰公、四川麻辣鍋等，有齊日泰中式，任君選擇。我地就選咗泰式冬陰，因為唔多火鍋店會見到呢款湯底。湯底嚟到都幾驚喜佢面頭鋪滿櫻花蝦，而下面都有幾多唔同嘅冬陰公必有材料，香茅、南薑等，酸辣味都幾足！澳洲和牛色澤都幾靚，脂肪比較少，所以厚薄程度好關鍵，如果厚可能就會肉感較重，咁樣就剛好，大大塊但又唔會太厚。牛舌心反而可以再厚啲，咁就再爽啲！外面自助區都好多選擇，海鮮仲有蝦可以擺落冬陰公湯增加鮮味，但今次我地就懶剝蝦無拎到啊！另外蔬菜類都幾多，仲有羽衣甘藍呢！響鈴、生根同魚皮都唔少得啦～丸類我幾鍾意椒麻貢丸，帶點辣勁幾過癮！仲有芋頭貢丸。食完澳洲和牛都有試埋頂級肩胛肥牛同埋鹿兒島豚肉，兩樣都唔錯。最後當然要食返幾球H
位於酒店一樓嘅火鍋店，環境都係整潔及闊落啲。坐底後仲發現有提供A4紙供保存口罩，幾貼心！
今次我地食澳洲M6和牛放題，價錢中等但選擇都幾多，肉類除咗本身揀咗個款仲包精選豚肉及牛舌心，仲可以試埋低價啲個啲款式，好似係頂級肩胛肥牛、鹿兒島豚肉等。最欣賞佢啲湯底都幾特別，有日式美顏豆乳鍋、花膠雞湯、泰式冬陰公、四川麻辣鍋等，有齊日泰中式，任君選擇。
我地就選咗泰式冬陰，因為唔多火鍋店會見到呢款湯底。湯底嚟到都幾驚喜佢面頭鋪滿櫻花蝦，而下面都有幾多唔同嘅冬陰公必有材料，香茅、南薑等，酸辣味都幾足！
澳洲和牛色澤都幾靚，脂肪比較少，所以厚薄程度好關鍵，如果厚可能就會肉感較重，咁樣就剛好，大大塊但又唔會太厚。
牛舌心反而可以再厚啲，咁就再爽啲！
外面自助區都好多選擇，海鮮仲有蝦可以擺落冬陰公湯增加鮮味，但今次我地就懶剝蝦無拎到啊！
另外蔬菜類都幾多，仲有羽衣甘藍呢！
響鈴、生根同魚皮都唔少得啦～
丸類我幾鍾意椒麻貢丸，帶點辣勁幾過癮！
仲有芋頭貢丸。
食完澳洲和牛都有試埋頂級肩胛肥牛同埋鹿兒島豚肉，兩樣都唔錯。
最後當然要食返幾球Haagen Dazs作結啦，有四款口味選擇！
張貼
