影片
更多
2024-07-26
107 瀏覽
今日帶住小朋友去開九龍城，晚餐搵食上網見到呢間都幾多好評，同埋有個地方畀小朋友玩，所以就去試下。一嚟就去試佢嘅花膠雞腳冬瓜湯底，花膠大概手指公咁大嘅size，都算有啲厚度，另外仲有啲紅棗，雞腳，同埋豬骨煲，未開始打邊爐之前飲咗佢啖湯，幾清甜，我個小朋友仲追住飲😂我哋叫咗一份貢丸、一份鮮蝦餃。貢丸佢地來貨幾好，味道夠，又實淨。鮮蝦餃外皮係類似魚皮餃咁，細細隻一啖，皮爽身，蝦滑有蝦味，呢個幾唔錯。重點當然係個海鮮盛合，有好多款唔同嘅海鮮，特別要讚下個蟶子同沙白無沙，夠鮮味。大部分海鮮有2件都合理，但沙白蜆其實可以再大方少少😝得兩粒唔太夠喉🤣我覺得最值得讚賞嘅就係佢中間嘅位置嘅兒童遊樂區，裏面有大概10座廚房玩具，仲有好多唔同嘅配件，小朋友一入到去已經急不及待要除鞋衝入去玩，我都跟埋入去一齊玩，發現啲玩具都好乾淨，唔會話一浸味或者有好塵、頭髮之類。細問之下，職員話佢哋每日都會用漂水1：99清潔，所以放心比小朋友玩。而個遊戲區喺正餐廳中間，父母一路食嘢可以望到自己小朋友，小朋友放電之餘父母亦都可以安心咁食嘢，呢個係呢間舖頭嘅一大亮點，我覺得亦都係老細好細心之處，佢應該都有小朋友哈哈😂，大家如果
一嚟就去試佢嘅花膠雞腳冬瓜湯底，花膠大概手指公咁大嘅size，都算有啲厚度，另外仲有啲紅棗，雞腳，同埋豬骨煲，未開始打邊爐之前飲咗佢啖湯，幾清甜，我個小朋友仲追住飲😂
我哋叫咗一份貢丸、一份鮮蝦餃。貢丸佢地來貨幾好，味道夠，又實淨。鮮蝦餃外皮係類似魚皮餃咁，細細隻一啖，皮爽身，蝦滑有蝦味，呢個幾唔錯。
重點當然係個海鮮盛合，有好多款唔同嘅海鮮，特別要讚下個蟶子同沙白無沙，夠鮮味。大部分海鮮有2件都合理，但沙白蜆其實可以再大方少少😝得兩粒唔太夠喉🤣
我覺得最值得讚賞嘅就係佢中間嘅位置嘅兒童遊樂區，裏面有大概10座廚房玩具，仲有好多唔同嘅配件，小朋友一入到去已經急不及待要除鞋衝入去玩，我都跟埋入去一齊玩，發現啲玩具都好乾淨，唔會話一浸味或者有好塵、頭髮之類。細問之下，職員話佢哋每日都會用漂水1：99清潔，所以放心比小朋友玩。而個遊戲區喺正餐廳中間，父母一路食嘢可以望到自己小朋友，小朋友放電之餘父母亦都可以安心咁食嘢，呢個係呢間舖頭嘅一大亮點，我覺得亦都係老細好細心之處，佢應該都有小朋友哈哈😂，大家如果去開九龍城，又帶住小朋友，推介大家試下。
張貼
