牛一 (利舞臺廣場) (已結業)

今日同朋友二人行黎銅鑼灣分店，當然有卜位啦，一個禮拜前已卜定，如果walk in, 姐姐話要個半鐘啦。卜左7.15，都要等上一手啲人走咗先有得入去。坐低左之後，就即刻攞嘢食啦。因為剩係得90分鐘。出面都幾多嘢食揀，咕嘟有三四種，面有烏冬拉麵素面薯粉等等。菜有生菜，娃娃菜，仲有大力水手菜。啲牛肉，我哋揀咗特級和牛嗰個套餐，咁其實除咗喎牛之外，其餘澳洲牛，美國牛都可以嗌嘅。日本和牛的確唔錯，不過就薄咗啲。澳洲牛同埋美國牛都好好味，好有牛肉味。上菜嘅速度都唔錯，因為食完一碟牛之後就要即刻再order。同場其實仲有咖喱牛腩飯，但係當然要留肚食打邊爐啦。啲菜同埋面都好新鮮，唔會好似有啲放題嘅地方咁擺到亂晒籠，有人會定期咁睇住啲嘢食同埋添加。