花椒子 (已結業)

花椒子裝修非常有特色，一入店內就會見到鮮明嘅太空主題，有外星人、太空船、星球同埋好靚嘅幻燈。除咗外在，食物更加係選擇多質素高，既可以放題、又可以叫餐或者單點，照顧到不同食客嘅需要～今次點選咗海鮮二人餐，估唔到飲品除咗普通嘅可樂汽水，仲可以嗌價錢比較高嘅朝asahi啤酒，真係喜出望外～另外加咗$48叫花膠雞鍋，絕對物有所值，雞湯又滑又香濃，花膠數量都唔少又彈牙，養顏一流～一個價錢可以叫一個鴛鴦鍋，令一邊嗌左麻辣鴨血，夠晒香辣😋一個價錢兩種享受，手切牛小扒好香牛味，烚一烚十聲即起既有口感，又夠嫩滑！呢個餐最正嘅就係海鮮，平平哋7 800蚊可以有鮑魚、海魚、海蝦、扇貝、翡翠螺等等高級嘅食材，而且仲好新鮮，樣樣都咁好味！帆立貝仲有啲膏，海蝦夠晒實肉，最正係個魚，魚味肉質一流😍午市仲免加一，下次喺旺角想打邊爐，又唔想食啲連鎖店，記得黎試吓花椒子！