大吉居酒屋 (已結業)

早排朋友話俾我知呢間放題已經轉型做居酒屋，仲大力推介佢嘅海膽吞拿魚蓉杯，今晚喺中環開會，就喺大吉附近，就黎食下晚飯。海膽三重奏杯原來人地有個正名叫海膽三重奏杯，我估係因為主要魚生有三款，三文魚子、吞拿魚蓉同海膽，底下有啫喱同壽司飯。份量好多，海膽疊左好多層！可以就咁食刺身，亦都可以用紫菜包住食。我就鐘意先食刺身，試清楚海膽夠唔夠鮮甜，吞拿魚蓉夠唔夠甘香先，測試證實質素不錯，之後我先再連埋紫菜同青瓜食一齊食。赤味噌煮牛筋牛舌我地覺得呢個係居酒屋名物，牛筋煮得好淋，但留有少少彈牙口感，一咬落去我覺得係骨膠原bb爆發嘅感覺，哈哈，牛舌都非常入味。燒日本芝士年糕年糕麵粉味香，好軟熟，芝士澎湃，一d都唔油膩，面層輕微哄過，趁熱食冇唔好食嘅可能。三文魚加州卷呢個係驚唔夠飽而叫嘅，加州卷入面有玉子、蟹柳同牛油果，連埋三文魚腩、飛魚子同沙律醬一齊食，口感豐富。星期一晚上餐廳唔算多人，幾適合兩個人靜靜地食餐飯。服務唔錯，侍應好留心客人需要。洗手間亦都好乾淨。