Book B Kitchen Mealmeal (已結業)

入黎到BookB Kitchen Meal Meal，呢度裝修係行和式簡約風，比人一種溫暖舒服嘅感覺，呢度係喺吧枱點餐再坐低嘅，我點咗一份腐乳炸雞定食（$108），再加一杯熱美式咖啡（+$12），腐乳炸雞定食冷盤有南瓜蓉，入面加咗椰棗蓉，甜度啱啱好！另外，冷盤仲有櫻花蝦玉子燒，鮮味十足。腐乳炸雞有少少咸啦，不過雞件好滑又多汁，送飯就一流喇，十分鐘就食曬啲飯嚕。然後仲有條秋葵天㷌羅，熱辣辣，正啊！飲埋碗麵豉湯就真係飽飽喇，總結，食物都好用心做，每樣都有少少驚喜。店員好細心，會係你食定食完先上咖啡，呢杯咖啡帶果酸，溫度夠熱，今次真係飲飽食醉，滿意度100。