Mimosa Patisserie

營業中

休息中

所謂「散水餅」，即係同事散水時請大家食既餅，2010年大大話話食過無十件都八件散水餅，咁意味ｄ乜野？工作量增加囉！一年食十次八次，也代表住公司附近既餅都差不多食過晒，所以，呢位同事就攪攪新意思，外賣離公司有一段距離的Mimosa Patisserie！原來只要俾的士水腳，實報實銷，佢就會坐的士送貨，真方便「散水」人士。全場散水餅只得兩款，士多啤梨拿破崙和芒果拿破崙，招牌唔需多，兩招已夠走天涯，Mimosa Patisserie正是例證。拿破崙果然名不虛傳，香脆鬆化，吉士也香滑，甜度適中，每件形狀不一，看來每層應是手工合成；生果切粒和吉士鋪在每層中間，因為還是夏天時間，士多啤梨和芒果也不酸，兩者各有千秋，兩樣都咁好味。雖然這篇食評遲了幾個月，但還是祝這位「搏命同事」，前程似錦。