東海堂 (已結業)

又有同事調走請食餅！仲要係人日加情人節嘅大日子！西餅以果撻為主，不過我對果撻一般！好貪心咁食咗兩件！ 北海道牛乳芝士切餅（$20）奶白色好簡潔，有膠紙圍邊防止蛋糕變乾，上面灑滿白朱古力碎，芝士蛋糕好香，不過幾膩，好在唔大件，剛剛好，芝士充滿奶香，餅乾碎做嘅餅底略濕身！ 鮮草莓果撻（$20）頂端嘅忌廉好軟滑，草莓新鮮爽口，中央係一個鬆軟蛋糕，唔會全部係忌廉，唔大甜好味！曲奇撻底脆口，好重牛油味！略膩口！自己喜歡捲蛋多啲！