夏宮

營業中

休息中

星期日食早輪點心，11:00am準時到，因為有防疫措施喺門口排咗一陣隊，之後服務員帶咗我哋去房裏面嘅一張枱，雖然係有啲傳統，咁多年來環境都冇乜點變，不過都有一種親切嘅感覺，六個人一桌，坐得非常舒適，開頭諗住喺房裏面比較隔涉，服務會爭啲，不過服務員Sunny好好招呼，耐唔耐都會嚟巡吓，基本上唔使叫，服務好主動，先送上杯welcome drink玫瑰茶幾香，普洱茶味道唔錯不過沖左兩三次之後就開始好淡色，點完餐之後一陣之後嘢食就陸陸續續送到，上菜亦唔會太快，冇話好趕嘅感覺，用餐時間有1小時45分鐘，都食得好舒服，食物質素整體都好高，有大廚風範，酥炸鮮蝦雲吞好脆不油膩，燒腩仔皮真係好鬆脆，有肉汁，燒汁百花釀尖椒煎得好靚，蝦膠夠彈牙，瑤柱小籠包，唔係太感覺到瑤柱嘅味道，不過好juicy，蝦餃就中規中矩冇乜驚喜，雞包仔反而幾大個，皮好鬆軟，越式鮮蝦腸粉反而覺得冇乜特別，覺得腸粉嘅質地麻麻，唔係好夠幼滑，有少少粗粗地，鳳爪就真係好夠味，鵝肝火鴨絲荔芋盒外脆內軟，中間嘅鵝肝火鴨絲添上咗好多唔同嘅味道同埋口感，反而嘅乾炒牛河有少少失望，河粉炒得碎濕濕咗少少，牛肉雞肉汁都麻麻，有少少韌，幾多油，豉油又冇乜