鼎泰豐

營業中

休息中

忽然間好掛住小籠包, 所以就去咗 ❥⧽鼎泰豐 ❥⧽ 食飯喇, 對上一次食嘅時候覺得呢間分店嘅嘢食整得麻麻地, 希望今次會有改善。𓊈小籠包𓊉小籠包皮薄唔易穿, 多湯汁, 不過肉質偏鞋, 但已經比第一次去時好食。𓊈排骨蛋炒飯𓊉賣相真心令人流口水, 排骨炸得好酥脆, 肉質軟腍有肉汁。蛋炒飯好香, 粒粒分明, 食完好想再叫多一客。𓊈台式擔擔撈麵𓊉花生味香濃, 芝麻醬, 湯汁同花椒辣油比例剛好。撈麵軟硬適中, 每條麵都可以掛汁, 雖然份量比較細, 不過好味。𓊈蝦肉紅油抄手𓊉皮薄多肉, 蝦肉爽口彈牙, 豬肉肉質鮮嫩, 少少辣, 恰到好處。𓊈荔芋小籠包𓊉必叫甜點, 好香芋頭味, 芋蓉香滑, 甜度適中, 用嚟做一餐嘅總結係好完美。✧✧ 整體食物有改善, 而且鼎泰豐嘅服務真係好好, 值得再去。