影片
更多
2024-12-08
725 瀏覽
琴日網上預約唔到晚上7:30、8:00時段Quota全爆就諗住今日星期六提早幾個鐘去排walk-in隊隔咗個夜晚諗諗下都係算數好喇行完街就諗住去到門口裝下望下嗰陣～夜晚7:301-2人檯竟然係walk-in即入3-4人檯都係只需等幾張飛咋仲要講緊係禮拜六黃金晚飯時段喎咁之前搞到勁難預約到即係純粹造勢？事前都食過佢同集團嘅牛站（創興中心）邊爐所以啲裝修、熱盤擺位、雪櫃、醬料區等等都幾乎一樣 講返呢度現場一入到去覺得人手未夠坐係檯好耐連個海鮮桶都無人記得準備但問完職員會積極幫忙（我之後遇到嘅員工，無論阿姐/哥哥仔/阿妹都會積極友善地解答問題/收拾檯面，我諗歸根究底都係請唔夠人嘅問題）好啦到執齊架步等鍋底到ready行去撈海鮮都已經搞足超過15分鐘去到撈海鮮區海鮮而言勝在數量多但阿媽睇過後覺得最值得攞嘅係鮑魚、蝦同花螺仔期望唔好太高以蝦黎講我係泰國夾蝦場即夾即燒嘅蝦都有彈性、有鮮味得多另外阿媽話花螺仔入面有沙（即管職員有沖洗過，螺嘅處理通病，係屋企搞先會搞吐沙）只可以話街市買到嗰啲會比較好其他熱盤方面我係單張見到鵪鶉蛋、鴨血好想嗌但無論「手機order」同出面「熱食自助區」搵極都搵唔到 傷心
Quota全爆
就諗住今日星期六提早幾個鐘去排walk-in隊
隔咗個夜晚諗諗下都係算數
好喇
行完街就諗住去到門口裝下望下
嗰陣～夜晚7:30
1-2人檯竟然係walk-in即入
3-4人檯都係只需等幾張飛咋
仲要講緊係禮拜六黃金晚飯時段喎
咁之前搞到勁難預約到即係純粹造勢？
事前都食過佢同集團嘅牛站（創興中心）邊爐
所以啲裝修、熱盤擺位、雪櫃、醬料區等等都幾乎一樣
講返呢度
現場一入到去覺得人手未夠
坐係檯好耐連個海鮮桶都無人記得準備
但問完職員會積極幫忙
（我之後遇到嘅員工，無論阿姐/哥哥仔/阿妹都會積極友善地解答問題/收拾檯面，我諗歸根究底都係請唔夠人嘅問題）
好啦
到執齊架步等鍋底到
ready行去撈海鮮都已經搞足超過15分鐘
去到撈海鮮區
海鮮而言勝在數量多
但阿媽睇過後
覺得最值得攞嘅
係鮑魚、蝦同花螺仔
期望唔好太高
以蝦黎講
我係泰國夾蝦場即夾即燒嘅蝦
都有彈性、有鮮味得多
另外
阿媽話花螺仔入面有沙（即管職員有沖洗過，螺嘅處理通病，係屋企搞先會搞吐沙）
只可以話
街市買到嗰啲會比較好
其他熱盤方面
我係單張見到鵪鶉蛋、鴨血好想嗌
但無論「手機order」同出面「熱食自助區」
搵極都搵唔到
傷心
其他多人嗌嘅熱盤（只限手機order）嘅有
乳鴿、羊架、焗蒜蠔、牛舌、鰻魚、鵝肝多士、比目魚、澳洲M5牛肉片、豬肉片、羊肉片
我地都有嗌
乳鴿、鵝肝多士、比目魚、肉片類可翻嗌
但有好多嘢都有啲鹹下
只可以話上面之中
我覺得好食嘅有乳鴿同牛舌（亦都值得翻嗌）
縱覽咁多熱食之中
「醬爆糍粑」同埋「榴槤炸彈」係最好味
熱辣辣、脆身唔會過甜（但會易飽肚，請斟酌嗌）
我見員工推車上面都有好多碟糍粑
可見好多檯人都鍾意呢味嘢再encore
牛站嗰陣都有試過糍粑
係一模一樣好食
熱凍嘢飲方面
選擇同牛站一樣咁多
係最值得俾佢十個讚嘅地方
汽水、冷泡茶、盒裝茶、其他盒裝罐裝、啤酒清酒、涼茶、果汁應有盡有
嘢飲方面
係可以將其他打邊爐/放題舖頭比下去
另外
場地有軟雪糕機、現成雪糕雪條區、軟糖櫃、咖啡朱古力機
以現成雪糕雪條區黎講
我見員工途中有積極refill
好食貴些少嘅日本雪糕就得牛站先有
呢邊嘅雪糕都有貴嘅
哈根大師囉（不過咁啱唔係我鍾意嘅味）
反而呢邊提供嘅泰國椰子、榴蓮雪條係味道幾好又幾特別
仲有菜菜、點心、甜品區
菜菜種類同牛站一樣多、鮮、好
食得落嘅人係真係可以夾多啲
總括以上
如果三五知己約gathering黎講係幾好玩
撈海鮮同同伴又題材新穎又多話題
時間又快過
款式多唔驚有人唔啱食而冇嘢落肚
若然你要求質素高嘅
都係請移玉步去街市或者其他要單點嘅邊爐/放題
張貼
