影片
更多
2012-10-16
1754 瀏覽
今朝去咗睇「獨特的香港縮影」展覽, 狂影大半粒鐘之後, 就轉到最就腳嘅美心皇宮食Lunch... 真係好就腳, 就係大會堂低座咋嘛, 行幾步就係~呢間美心皇宮係1979年已經開始係度, 果時叫大會堂酒樓, 唔知呢架舊式點心車有冇咁老呢...好懷念... 細個時一見到呢架甜品車, 對眼真係閃到抽筋, 呀哈哈哈...呢架舊式點心車就潮囉... 前面加咗個Display, Show下d點心嘅制作過程... 唔好話外國遊客吖, 連我都想睇埋一份呀... 所以話吖, 老有所為, 舊人舊物一樣可以與時並進, 只有不斷努力, 增值及裝備自己... 咦... 咁似政府宣傳片d對白嘅, 嘩咔咔咔...3年前裝修過, 個禮堂都幾靚, 特別鍾意天花d水晶燈...落地玻璃全海景, 望到對面海, 好開揚...蒸蘿蔔糕 -- 蘿蔔都食到大大粒, 係蘿蔔唔夠甜囉, 唔係太多粉, 味道同口感都唔錯...蒸排骨 -- 肉質太腍, 豉汁味濃, 幾入味, 整體味道都OK...叉燒腸 -- 腸粉皮唔算厚又唔算薄, 標準o野, 叉燒冇焦香甜味, 整體味道OK...椒鹽鮮魷 -- 有驚喜!!! 廚師啱啱煮好, 已經急不及待捧出o
呢間美心皇宮係1979年已經開始係度, 果時叫大會堂酒樓, 唔知呢架舊式點心車有冇咁老呢...
好懷念... 細個時一見到呢架甜品車, 對眼真係閃到抽筋, 呀哈哈哈...
呢架舊式點心車就潮囉... 前面加咗個Display, Show下d點心嘅制作過程... 唔好話外國遊客吖, 連我都想睇埋一份呀... 所以話吖, 老有所為, 舊人舊物一樣可以與時並進, 只有不斷努力, 增值及裝備自己... 咦... 咁似政府宣傳片d對白嘅, 嘩咔咔咔...
3年前裝修過, 個禮堂都幾靚, 特別鍾意天花d水晶燈...
落地玻璃全海景, 望到對面海, 好開揚...
蒸蘿蔔糕 -- 蘿蔔都食到大大粒, 係蘿蔔唔夠甜囉, 唔係太多粉, 味道同口感都唔錯...
蒸排骨 -- 肉質太腍, 豉汁味濃, 幾入味, 整體味道都OK...
叉燒腸 -- 腸粉皮唔算厚又唔算薄, 標準o野, 叉燒冇焦香甜味, 整體味道OK...
椒鹽鮮魷 -- 有驚喜!!! 廚師啱啱煮好, 已經急不及待捧出o黎放入點心車, 新鮮熱辣!!! 冇用炸醬, 大大件, 真材實料, 入口彈牙煙韌, 椒鹽冶味, 美味非常!!!
芝麻包 -- 香濃黑芝麻味, 微甜, 唔錯唔錯...
薑汁豆花 -- 可以揀薑汁, 黃糖, 杏汁... 薑汁幾好味... 可惜豆花片得太厚, 好o鞋口...位於中心商業區, 午餐時間, 門口好多人排隊... 餐具中西合璧, 都幾多外籍人士幫襯...
推車仔嘅年長嬸嬸好好人, 見我拎起相機, 佢話"影相呀?", 仲拉番後少少架點心車比我影... 太感動... 其實我冇打算騷擾到佢地嘅工作, 一向都抱住"影到就影, 影唔到都冇辦法"嘅宗旨...
價錢唔平, 環境唔錯, 服務都幾好, 不過味道平平, 一試無妨...
.
張貼
