Potluck Eatery

和好友相聚到此一食，餐廳環境簡約以木系為主，燈光柔和舒適，可以慢慢食，都美食選擇多，竟然有海鮮拼盤餐，就試試吧。二人套餐 $658套餐：洋蔥薯仔湯有著洋蔥甜美，薯仔湯口感順滑，味道清新。配埋牛油蒜蓉包好食。套餐： 煙三文魚意大利黑醋沙律沙律菜新鮮爽脆，煙三文魚捲卷成花狀，賣相討好，配黑醋酸甜開胃又健康。套餐： 手搖秘製醬汁海鮮拼盤海鮮拼盤大盆，波士頓龍蝦大隻開邊，肉質新鮮彈牙。仲有大蝦、紐西蘭青口、大蜆和魷魚等海鮮配料，份量都幾多的，加上有粟米和薯仔，配埋秘製醬汁蕃茄味濃郁，食起來非常開胃，二人份量非常飽肚。套餐： 紐約芝士蛋糕芝士味好濃郁，口感綿密細滑，份量剛好唔會好膩。餐飲要了檸檬茶和檸檬水。