Springtime (已搬遷) 新店位置

平時返工食lunch，都幾鍾意嚟呢到食，好難得有cafe㗎呢到~呢到環境好舒服，皆因好多綠色嘅植物，感覺好清新!同埋呢到嘅menu久唔久就會轉一次~幾有新鮮感。而到喺半自助形式嘅，揀咗要食嘅野就可以直接去點單果到比錢，佢會比個定位器你，之後就會有人送餐去你個位到架啦~今次試蕃茄蟹肉天使麵，蟹肉都算多嘅， 而且有蟹味又夠濃。佢仲有好多蔬菜喺入面架，撈埋啲意粉食都好夠味。我最鍾意佢少鹽少油，覺得幾健康，推介比上班一族。呢到Set lunch可以跟沙律/湯/凍果茶一杯，而且免加一。