王牌冰室 (南豐紗廠) (已結業)

星期六約咗朋友黎南豐紗扮文青, 食下野影下相行下街, 黎到"王牌冰室"裝修得幾特別, 懷舊冰室風格, 見到個滑蛋吸引咗我。 餐廳門口已經排長龍, 都幾多人, 好彩等咗一陣就位了。🔸蔥油豬扒撈公仔麵勁多蔥粒, 色香味俱全, 蔥油同公仔麵真係好配, 味道唔會過鹹, 豬扒香脆肉質夠淋, 唔會乾柴柴。🔸叉燒蝦仁沙滑蛋飯見到餐廳大大張相幾吸引, 睇黎係招牌食物當然試下啦, 見到滿滿既滑蛋, 勁足料既大蝦介同叉燒, 滑蛋確實炒得好滑, 襯哂白飯一齊食正哂👍🔸流心芝士西多第一次食芝士饀西多幾特別, 一砌開勁流心, 有少少似加咗咸蛋咁流沙, 再加埋西多專屬既糖漿, 一咸一甜又幾夾, 值得一試⭐食飽諗住行過隔離買杯野飲, 邊行邊睇繼續扮文青😂🔸王牌水果茶水果茶最重要夠唔夠水果味, 茶膽夠唔夠味, 佢兩樣都做到, 重點係勁大杯, 甜度同冰塊可因應自己喜好要求, 我唔鍾意太甜就叫咗微甜, 啱哂我口味。🔸焦脆奶蓋平時唔太飲太奶既飲品, 估唔到呢杯又幾合我口味, 面有焦糖味, 中間有芝士奶蓋, 再加鐵觀音茶, 又幾好飲喎！