影片
更多
2019-08-22
64 瀏覽
落雨天就最啱喺室內扮文青打卡，呢日去大館同PMQ行下，知道%開咗喺PMQ對面，就順便去下，但竟然行過咗都唔發覺🙀，因為出面有個平台仔有戶外座位先行入到間舖到。可惜今日keep住落雨🌧，所以無人坐出面。舖頭人頭湧湧，遊客、KOL、街坊等等都有，但好快就買到嘢飲。呢到主要賣咖啡☕️，仲有埋咖啡豆賣。但因為我比較鐘意綠茶🍵，所以叫咗抹茶拿鐵Iced Matcha Latte($60)，朋友就叫咗美式咖啡Iced Americano($45)，大家style好唔同。嚟到發現兩杯嘅size差少少㗎，以為凍飲係一樣哈哈。我嗰杯抹茶拿鐵無連鎖咖啡店咁甜幾好，而且幾滑👍🏻。不過呢到凍飲無得揀大細，如果又口渴又一路吹水唔停就會不自覺咁好快飲哂，即係我😂。btw熱飲就會有拉花，天氣凍都可以試下。朋友叫嗰杯Americano，我本身無飲開，但口痕都試咗啖，比較濃味，我唔係好識comment，但朋友話都幾好，係佢心目中果種😄，有咖啡酸。除咗飲品之外，環境亦係令人好舒服，店舖主色係白色，有個大玻璃窗，側面有啲草圍住，而我哋亦好好彩坐到喺呢個VIP位到xd，對正PMQ，咁樣嘅氛圍真係好正，好chill😌。而其他坐位
舖頭人頭湧湧，遊客、KOL、街坊等等都有，但好快就買到嘢飲。呢到主要賣咖啡☕️，仲有埋咖啡豆賣。但因為我比較鐘意綠茶🍵，所以叫咗抹茶拿鐵Iced Matcha Latte($60)，朋友就叫咗美式咖啡Iced Americano($45)，大家style好唔同。
嚟到發現兩杯嘅size差少少㗎，以為凍飲係一樣哈哈。我嗰杯抹茶拿鐵無連鎖咖啡店咁甜幾好，而且幾滑👍🏻。不過呢到凍飲無得揀大細，如果又口渴又一路吹水唔停就會不自覺咁好快飲哂，即係我😂。btw熱飲就會有拉花，天氣凍都可以試下。
朋友叫嗰杯Americano，我本身無飲開，但口痕都試咗啖，比較濃味，我唔係好識comment，但朋友話都幾好，係佢心目中果種😄，有咖啡酸。
除咗飲品之外，環境亦係令人好舒服，店舖主色係白色，有個大玻璃窗，側面有啲草圍住，而我哋亦好好彩坐到喺呢個VIP位到xd，對正PMQ，咁樣嘅氛圍真係好正，好chill😌。而其他坐位就係高檯高櫈嚟，又有鏡，提升咗空間感。
總括嚟講，飲品質素不錯，雖然定價較為進取，但PMQ呢間方店個環境實在好正，絕對值得嚟打卡歇下腳，放鬆一下☕️。
張貼
