滿香濃

營業中

休息中

#慶祝 凍冰冰嘅天氣 同 #聖誕🎄同Lisboy行完書店有啲攰🥰見到新開咗間暖心嘅湯麵🍜店，即刻坐低食暖笠笠Lunch先🤤呢間Pop-Up Store喺北角同金鐘有分店，話啲食材均自台灣直送，以台式古早方法秘製，聽完都食指大開！🍽️ 麻油雞湯麵 + 牛肚牛筋 + 酸辣湯新推出獨家秘製冬日藥膳養生台灣湯麵及湯品♨️我哋試咗招牌麻油雞湯麵，啲雞滑嫩多汁，融合香醇麻油與老薑的滋味，湯頭濃郁，飲完有一絲絲嘅暖意。而個麵條都好彈牙😋食完暖粒粒好脂肪滋補佳品。而滷水小食我哋就揀咗牛肚牛筋，夠晒入味，啲滷水味好出好有台灣嘅特色，湯品我哋就叫咗個酸辣湯酸酸辣辣好開胃！🍽️ 薑母鴨湯麵 + 滷水豬元蹄 + 四神湯薑母鴨湯麵燉咗好耐，啲鴨肉夠晒柔軟，溫暖驅寒，飲完成個身體暖晒，啲面煙煙韌韌好咬口，小食我哋就叫咗滷水豬圓蹄俾Lisboy😋啖啖肉食得好開心，湯品就叫咗出名嘅四神湯♨️清清地又可以驅寒，仲有好多排骨俾Lisboy食添🤤夠晒飽肚！🍽️ 一人套餐我地3個人叫咗兩餐，Lisba見到有個一人套餐好似又平又多野食揀🥰所以都叫左個唔辣台式涼麵，麵質煙煙韌韌好味道，小食叫咗香Q滷豬手😋真係好入味，仲叫咗杯黑糖冬瓜茶拎走