Just Café (已結業)

今日約左女友係灣仔三聯睇旅遊書準備去旅行，睇睇下就有啲肚餓，就去左三聯既just cafe度醫肚。 間cafe有幾張枱，見到有d客人一路睇書一路飲咖啡，自己都想試做一陣文青，所以就叫左佢地既tea set。蜜糖香蕉多士配熱朱古力 (HKD 48)同埋芝士巴馬火腿多士配熱綠茶 (HKD 58)。多士係用竹炭做既，所以係黑色同幾脆口。個蜜糖多士，有少少甜，但上面有勁多香蕉(my favorite fruit)，加哂分。至於杯chocolate就唔算濃，如果濃味少少都仲好啲個芝士巴馬火腿多士賣相同味道都唔錯。個熱綠茶係另上既，可以飲到3杯。食完之後，有少少覺得自己多左文化氣質。