大少燒味茶餐廳

營業中

休息中

星期三難得去大埔，順便去大少燒味茶餐廳斬料外賣返屋企。燒肉貴妃雞雙拼飯燒肉有鹹香味，燒肉皮幾脆，貴妃雞都算濃味，仲有兩條菜心。叉燒玫瑰豉油雞雙拼飯叫左走薑蓉，叉燒唔肥，但又唔會鞋口，豉油雞幾嫩滑，白飯索晒啲雞油食好正。大少例牌燒鵝 (指定下庄) 叫左下庄，成隻燒鵝髀切到好靚仔甘擺係面，燒鵝皮夠脆，肉質嫩滑，蘸酸梅醬最正。大少潛艇係熱狗包夾住叉燒、煎蛋、芝士，唔係一般既夾熱狗腸，幾特別，夾住叉燒就多左d咬口。