大少燒味茶餐廳

營業中

休息中

《大少燒味茶餐廳 - 大埔》我同我屋企人每星期日都會例行有個早餐會，唔係食魚蛋粉，就一定會過黎大少食燒鵝瀨，呢個習慣都維持左好多年，所以大少算係我屋企人既其一食堂🤓前幾日屋企招待客人，屋企人叫我斬料返屋企，我就梗係去返飯堂買燒味啦，除咗燒味之外，其實呢度仲有多士俾你揀，晚市仲會有臘味飯添，天氣凍冰冰就最適合💁🏻‍♀️大少潛艇 $40呢度雖然燒味出名，但係其實佢嘅潛艇都好好食嫁，佢個麵包烘熱咗之後再搽牛油，入面夾咗煎蛋、芝士同埋蜜汁叉燒，熱辣辣嘅話勁好食，芝士同埋蜜汁叉燒嘅味道其實係好夾㗎，我十分推介💪🏻💁🏻‍♀️燒鵝上庄 $128特登買呢個燒鵝返去屋企整燒鵝瀨食，呢度燒鵝嘅做法係比較脆皮的，個皮會有陣木香味，我屋企人比較鍾意食上庄有骨位嘅部份，一般嚟講比較入味，配返瀨粉就啱晒啦，呢個份量夠晒四個人食，啲燒鵝汁仲可以落埋個瀨粉湯度一齊煮更加濃味💁🏻‍♀️貴妃雞半隻 $78同樣都係我爹哋鍾意食嘅燒味，佢呢度嘅貴妃雞鹹鹹地好入味，有啲似鹽焗雞嘅感覺，個人覺得用嚟煮雞粥的話非常適合，半隻雞都已經好大份，朋友過到嚟都覺得佢個雞整得好入味同好滑，就算凍咗都好好食💁🏻‍♀️肥叉燒例牌 $88叉燒就係細佬鍾意

《大少燒味茶餐廳 - 大埔》九月份好多人生日，其中一個就係我爹哋😎屋企人鍾意食燒味，所以Daddy生日嘅時候除咗煮大餐之外，我仲去咗平時食開燒鵝嘅小店斬料返屋企加餸🤭平時星期日，我哋一家人都會去呢度食燒鵝瀨粉，因為佢嘅燒鵝唔會太過肥之餘仲有陣果木香，燒味飯平均$48起大大碗包飲品，燒鵝貴少少$58，喺大埔區內算係抵食既燒味之選😉當日下午茶時段去，仲可以喺果度食埋個下午茶先番去😝我果日叫左個招牌大少潛艇，入面有半肥瘦叉燒、煎蛋、芝士同埋沙律醬，食落超惹味😋叉燒煎蛋同芝士呢三個配搭本身就好夾，夾喺麵包入面真係犯規😂食一個已經飽晒，配埋杯凍檸茶走甜就最啱不過，午飯晚飯時間有時要排隊入座，不過一般都好快等到位今次加送嘅有大少既肥叉燒例牌、油雞半隻同埋上庄燒鵝叉燒我個人覺得呢度嘅一定要叫肥叉燒，因為大少用嘅肉比較瘦少少，鍾意食香口嘢嘅一定要叫肥啲，咁先至會有燶邊既口味另外油雞食落都好香豉油味，上色均勻，望落十分靚仔，配白飯或者粉麵食都好好味👍🏻而燒鵝我就一定係揀上庄，有冇人同我一樣係鍾意食燒鵝近胸骨嘅位置呢？下庄普遍我都覺得比較肥少少，鍾意食油香嘅話或者鍾意食脾，但係我全家都鍾意食骨位，味道香濃

茶記周街都有，當中亦有專賣燒味嘅茶記大埔都有一間喺廣福道嗰頭，行過見幾多街坊入去幫襯，睇嚟幾有料到咁喎燒味唔一定配飯嘅，原來配潛艇麵包一樣得，呢個隱藏menu，店長唔提大胃真係唔知一打開塊麵包，塊塊叉燒厚切極度色誘，仲有煎蛋同芝士，連包一齊咬，層次合一，肉香、蛋香、芝香三連爆頭先只係頭炮啫，燒味飯點都要食，一食就食兩個最上等嘅餸，就係燒鵝髀同乳豬。乳豬啲皮燒得勁脆薄，豬肉好有層次，唔會得個肥字。燒鵝嘅皮都好香好薄身，肉質激嫩，點醬食更提鮮見到叉燒飯有埋煎蛋，成件事咁黯然銷魂，一定要試吓啦揭開塊蛋，又係塊塊等住你嘅誘人叉燒，肥瘦太完美，加上有靚米襯托，好食到變家燕姐呢間啲嘢食勁大份，驚死你唔飽咁，連菜都成座山咁，菜心又粗身又多，青翠爽口，都唔怕唔夠膳食纖維喇食燒味呢間油物，飲吓檸檬飲品就最解膩呢度竟然，都有無糖可樂配只要篤爛啲檸檬，一樣都係咁好飲頂癮

早幾日難得一家人都放假可以一齊食飯，諗住響屋企整返個海鮮大餐，點知小朋友突然間話想食叉燒飯，加上爸爸都係無肉不歡，咁就斬埋料返屋企，一次過滿足所有願望🔸叉燒(例牌)半肥瘦叉燒，肉質軟腍入味帶微焦燶邊，掛滿蜜汁送飯一絕，小朋友都大讚好好味🔸燒鵝 (例牌)燒鵝真係無得輸，色澤油亮，皮脆肉嫩🔸貴妃雞脾 雞味濃郁，皮薄肉嫩，大大隻雞脾啖啖肉🔸大少潛艇潛艇入面有半肥瘦叉燒、煎蛋同芝士，蜜汁叉燒加上蛋香同芝士鹹香，層次豐富，平時下午茶配埋杯熱奶茶真係超滿足

星期五晚回家吃飯，斬料加餸，於是去到大少燒味茶餐廳。大少潛艇選用品質上乘的叉燒肉，肉質鮮嫩，香氣四溢。加入雞蛋，增加營養和滑嫩口感。融化的芝士增添奶香，令潛艇更加豐富。外層的麵包微微酥脆，讓人一口接一口。叉燒(例牌)經過醃製後燒烤而成，外焦內嫩，香甜可口，肥瘦適中。海蜇燻蹄(例牌) 的海蜇口感脆嫩，清爽可口。燻蹄質感特佳，經過燻製，味道獨特，帶有煙熏香氣。豉油雞非常入味，肉質鮮嫩，表皮光滑。半隻的份量適中，不怕浪費。

今日去大埔探表姐，行過一間叫大少燒味茶餐廳，見到廚窗掛滿燒鵝、燒肉、油雞、白切雞、乳鴿和叉燒等燒味，色澤鮮艷，令人垂涎欲滴，決定斬料請表姐食。叉燒：半肥瘦叉燒，微微燶邊的叉燒食起來微脆鬆化，肉質鮮嫩多汁，蜜味香甜，入口肥而不膩。燒鵝（上庄）：金黃色的鵝皮非常油亮，入口有豐厚的油脂，同時肉質相當軟嫩，配上秘製的醬汁，絕對是美味。大少潛艇好足料，餡料有厚切嘅半肥瘦叉燒 、煎蛋和芝士，咬落啖啖肉，層次極感豐富。

冬至梗係要買燒味返去加餸😍 今日嚟到大埔區，經過依間燒味舖好多人排隊，一於試吓！餐廳環境坐得舒適，食物選擇豐富好高質燒鵝（半隻）🦆🔥 $240識食一定食燒鵝🤤🤤 半隻燒鵝份量好夠一家人食，色澤金黃，皮脆肉嫩，油脂豐富卻不膩，搭配特製醬料，非常多汁美味😋！大少潛艇（半肥瘦叉燒、煎蛋、芝士）🥪🍳🧀 $40推薦！份量十足，叉燒肉質鮮嫩，肥瘦相間，煎蛋的香氣與芝士的濃郁完美融合，每一啖都充滿滿足感，值得一試！

到大埔老友家作客，行經《大少燒味茶餐廳》，見廚窗的燒味靚靚決定外賣，餐廳門外都有些人等取外賣。我選左义燒$88（例牌）燒腩骨$128（例牌）紅燒乳鴿$58（隻）大少潛艇$40（外賣）叉燒：肉色嫩紅，肉質腍燶邊焦香超正，加蜜汁好味😋餸飯一流。燒腩骨：外皮脆脆，五層肉質嫩滑甘香，色澤紅潤，不會太鹹，真不錯👍👍紅燒乳鴿：豉油味香濃，肉嫩多汁配啤酒至岩。😍😍大少潛艇：有雞蛋、叉燒、芝士，包質鬆軟好食口感豐富。

屋企加餸首選買燒味，夠晒快靚正，叉燒、燒鵝、切雞係最愛頭3位特別鍾意嚟呢度斬料，價錢經濟而且味道有保證午市單拼飯三十幾蚊就食到，成日經過都見唔少街坊捧場㗎厚切叉燒夠口感，唔會燒得太乾，仍然有肉汁，肉質柔軟，肥瘦適中有點點肥肉特別爽口。蜜糖味好啱我心水切雞醃得好入味，可以買半隻或一隻，薄薄一層雞皮唔油膩，肉質嫩滑，做到皮爽肉嫩，配薑蓉撈飯超正大少潛艇以鬆軟麵包配叉燒、炒蛋同芝士🧀咬落啖啖肉，呢個配搭幾有新意

今日於大埔上完講座,之後往大埔大少燒味茶餐廳食晚餐,我點了乳朱飯一碟和例湯,乳朱飯份量十足,乳朱熱辣辣,朱皮香脆食落有油花,十分惹味,佐酒一流,而乳朱肉食落啖啖肉,食落有油花,配上乳朱醬食落口感昇華,而配菜菜心新鮮爽口,白飯軟綿,整碟乳朱飯皮脆肉嫩,口感滿足,例湯今日是青紅羅白朱骨湯,飲落温度和味道適中,青紅羅白食落爽口,朱骨啖啖肉,整碗例湯足料而不會飲落口乾,餐廳乳朱皮脆肉嫩,食落美味,口感滿足

餐廳在這裡都算比較有人氣的，雖然價錢比基他的貴一點，但質素不錯！大少燒鵝（半隻）燒鵝半隻切了大大的一盒，挺足料了，而且鵝不會太肥，吃起來不會像吃油的一樣！皮燒得非常脆，剛好帶點皮下脂肪來增香，肉質嫩滑，亦有鵝肉香味。本身調味也挺香濃了，醃得夠味，簡單配上燒鵝汁就已經很好吃了，酸梅醬也不太需要！大少叉燒（例牌）特別叫了肥叉燒，不過都不算很肥的樣子，應該是大部份都不會太肥的。用的是梅頭部位，燒得帶點焦，吃起來蜜汁味香，肉質有彈性，帶點油香，焦的部份增加口感。大少潛艇這個港式漢堡大大個，麵包搽上牛油再經過烘香，最後加上這裡的叉燒，蛋和芝士，吃起來叉燒味非常突出，又帶點芝士香，挺特別的。

聽朋友講呢間燒味茶餐廳好特別，因為有一個大少潛艇，其他地方食唔到，趁今日入咗嚟大埔，一於買一個嚟試吓啦。一嚟到大約七點幾，估唔到買外賣仲要排隊，見到好多人都係買燒味斬料返屋企食，本身準備去食飯冇諗住買燒味，但係見到佢掛出嚟嘅燒味好似好吸引，忍唔住都買返啲嚟試吓。大約等咗10分鐘就到我啦，個大少潛艇係即刻整嘅，不過都係等咗一陣就有啦。我急不及待即刻喺附近公園打開咗嚟食，個包好大，揭開嘅時候見到好多叉燒同埋炒蛋。叉燒睇落半肥瘦，而且都有唔少燶邊，係我最鍾意食嘅款式。炒蛋都炒得好靚，唔知食落會點呢。一咬落去估唔到真係驚為天人，脆脆地嘅包襯埋內裏嫩滑嘅炒蛋，而且叉燒都好香，真係第到食唔到㗎。另外我都忍唔住買咗半隻燒鵝返屋企斬料，返到屋企一打開，份量好多之餘而且油香好足夠。適落外皮好脆，而且鵝未好夠，好香，我試咗一隻燒鵝髀，唔使點酸梅醬已經好好食。呢間燒味餐廳價錢平，而且份量夠味道都好好，以後都一定會再嚟買呀。

前排經過呢間餐廳順便買外賣返去食。燒味單拼粉麵飯，有叉燒、燒肉、燒排骨、燒鴨、貴妃雞、玫瑰豉油雞或乳豬。叉燒肥瘦均勻，肉味突出、乳豬酥香嫩滑，無論係配飯同麵都夾。下午茶有小食供應。炸雞翼、炸雞脾、吉列豬扒，全部炸至酥脆可口，乾身唔油膩，配上沙律，十分開胃。大少潛艇夾住半肥瘦叉燒，包皮鬆軟，令人一試難忘。另外有法蘭西多士，邪惡之選，金黃色，醬汁夠多。雙拼三文治可以要火腿/炒蛋/ 鹹牛肉 /午餐肉/芝士、包皮鬆軟，鹹香口味，good。

今日經過呢間餐廳，心血來潮好想食燒味，最後喺餐廳買咗好多外賣燒味，連飯都唔使煮😂😂大少潛艇喺餐牌見到呢個包好吸引，入面有叉燒，炒蛋，芝士等等，簡直就係中式版嘅subway。個包份量都幾大，食第一啖已經有好滿足嘅感覺，每一啖都有叉燒，而且叉燒好juicy，加埋個蛋係完美嘅組合！豉油雞半隻肥瘦均勻，豉油味香濃，仲食到玫瑰露嘅香味，肉質嫩滑，水準之上。叉燒例牌叉燒味道偏甜，係我口味，而且係半肥瘦，送飯一流！燒肉例牌呢度餐廳嘅例牌好似比其他餐廳更加大份，燒肉個皮仲係好脆，調味啱啱好，唔會太鹹，出色！你教壞咗兩個白飯，估唔到一碗飯等於1盒飯，仲要係$10一碗，超抵🥳🥳🥳🥳

這間位於大埔的【大少燒味茶餐廳】，主打多款燒味，全部都當天新鮮即燒即做，主打乳豬燒鵝等，人多可以斬料返屋企加餸，自己一個又可以買個單雙併燒味飯，另外還有幾款特色下午茶及小食，價錢合理。大少潛艇半肥瘦叉燒、煎蛋及半溶芝士，新鮮即叫即做，熱狗包烘至香脆。叉燒叉燒是半肥瘦，醃得入味，加上燒至表面帶陣陣焦香，蜜糖甜味更有層次，送飯一流。燒腩仔燒腩每日新鮮燒起，皮脆肉嫩，用了半肥瘦的腩肉部份，入口有陣陣肉香且不會太油膩。豉油雞飯豉油雞十分入味，而且保持雞肉嫩滑，雖然是單併飯，但份量十足。